កូវីដថ្ងៃនេះ ឆ្លង ១,៥៨៣ករណី និងស្លាប់១៥នាក់ នៅថៃ

មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ ​(CCSA) នៅថ្ងៃសុក្រនេះ បានរាយការណ៍ មានការឆ្លងចំនួន១,៥៨៣ករណី និងអ្នកស្លាប់ចំនួន១៥នាក់។

អ្នកស្លាប់ថ្មីរួមមាន ៩នាក់នៅបាងកក, ម្នាក់ៗនាក់នៅ Chonburi, Phattalung, Surat Thani, Nakhon Pathom, Ratchaburi និង Prachuap Khiri Khan។

អាយុរបស់អ្នកស្លាប់គឺចន្លោះពី២៩ដល់៩៣ឆ្នាំ ហើយពួកគេទាំងអស់សុទ្ធតែមានជំងឺរ៉ាំរ៉ៃ។

ស្របពេលជាមួយគ្នានោះ ក្នុងចំណោមករណីថ្មីទាំងអស់ គឺមានចំនួន៤១៧ករណីនៅក្នុងទីក្រុងបាងកក បន្ទាប់មក១៣៨ករណីនៅ Samut Prakan និង ១៣១ករណីនៅ Chonburi។

ក្នុងចំណោមការឆ្លងថ្មី ក៏បូកបញ្ចូលទាំងករណីនាំចូលចំនួន៤ករណីផងដែរ។

ទន្ទឹមនឹងនេះដែរ អ្នកជំងឺចំនួន ៨៦០នាក់ បានជាសះស្បើយ ហើយត្រូវបានអនុញ្ញាតឲ្យចេញពីមន្ទីរពេទ្យក្នុងរយៈពេល២៤ម៉ោងចុងក្រោយ។

គួរបញ្ជាក់ថា គិតត្រឹមថ្ងៃសុក្រនេះ ប្រទេសថៃ មានករណីឆ្លងជំងឺកូវីដ-១៩សរុប ៦៥,១៥៣ករណី ស្លាប់២០៣នាក់ និងជាសះស្បើយ ៣៦,២៥៤នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ សោកស្តាយ! កូវីដ ផ្តាច់ជីវិតតារាកំប្លែងល្បីល្បាញរបស់ ថៃ