កូវីដ-១៩

ឆ្លងមួយថ្ងៃ ១៥ នាក់ ខេត្តតាកែវកើនអ្នកឆ្លងកូវីដជាង ១០០ នាក់

បានផុស

៤ years មុន

នៅ

ថ្ងៃសុក្រ ៣០ មេសា ២០២១

ដោយ

ខេត្តតាកែវ មានអ្នកឆ្លងថ្មីថ្ងៃនេះ ១៥ នាក់ទៀត ដែលធ្វើឲ្យចំនួនអ្នកឆ្លងទូទាំងខេត្តកើនដល់ចំនួន ១០១ នាក់។ ខេត្តនៅខាងត្បូងរាជធានីភ្នំពេញបានបន្តរកឃើញអ្នកឆ្លងជារៀងរាល់ថ្ងៃ។ នៅស្រុកបាទីដែលជាប់ភូមិសាស្រ្តខេត្តកណ្តាលមានករណីឆ្លងច្រើនជាងគេក្នុងខេត្ត។

មណ្ឌលចត្តាឡីស័ក ឃុំចំបុី ស្រុកបាទី ក្នុងបរិវេណអនុវិទ្យាល័យ ត្រគៀត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរស្រុកបាទី ក៏បានបិទខ្ទប់ភូមិមួយចំនួន បន្ទាប់ពីរកឃើញមានអ្នកឆ្លង។ អាជ្ញាធរបានយកវិទ្យាល័យ ប៊ុនរ៉ានី ហ៊ុនសែនបាទី ស្ថិតនៅឃុំចំបក់ ស្រុកបាទី ខេត្តតាកែវ និងអនុវិទ្យាល័យ ត្រគៀត នៅឃុំចំប៉ី ស្រុកបាទី ធ្វើជាមណ្ឌលចត្តាឡីស័ក។

គួរបញ្ជាក់ថា ថ្ងៃនេះក្រសួងសុខាភិបាលបានប្រកាសតួលេខអ្នកឆ្លងថ្មីចំនួន ៧៦១ នាក់ទៀត និងជាសះស្បើយ ១៦៦ នាក់។ ក្នុងនោះការឆ្លងក្នុងសហគមន៍ចំនួន ៧៦០ នាក់ និងអ្នកដំណើរពីបរទេស ០១ នាក់។

ខេត្តក្រុងដែលរកឃើញករណីឆ្លងថ្មីរួមមាន៖

-ខេត្តកំពង់ធំ ០១ នាក់
-ខេត្តកោះកុង ០១ នាក់
-ខេត្តព្រៃវែង ០៣ នាក់
-ខេត្តត្បួងឃ្មុំ ០៥ នាក់
-ខេត្តកំពង់ចាម ០៦ នាក់
-ខេត្តកំពង់ស្ពឺ ១៣ នាក់
-ខេត្តតាកែវ ១៥ នាក់
-ខេត្តសៀមរាប ១៤ នាក់
-ខេត្តបន្ទាយមានជ័យ ៦៧ នាក់
-ខេត្តព្រះសីហនុ ៨៣ នាក់
-ខេត្តកណ្តាល ១៤៤ នាក់
-រាជធានីភ្នំពេញ ៤០៨ នាក់

Related Topics: