អាជីព

ចង់ក្លាយជាថ្នាក់នាយក (director) ក្នុងវ័យសាមប្លាយ?

បានផុស

៤ years មុន

នៅ

ថ្ងៃចន្ទ ៣ ឧសភា ២០២១

ដោយ

អត្ថបទនេះមិននិយាយអំពីតួនាទីថ្នាក់នាយក ដែលឪពុកម្ដាយជាអ្នកមាន ឬប្តីប្រពន្ធគូស្នេហ៍ផ្តល់មកឲ្យទេ យើងនិយាយអំពីការតស៊ូពីទាបមកខ្ពស់ដោយសមត្ថភាពពិតៗ។

ថ្នាក់នាយក (Director) នៅទីនេះ ក៏មិនមែនប្រភេទ (Director) កុនដែរ ខុសគ្នាស្រឡះទំាងកម្រិតជំនាញ និងថាមពល Soft Skill (ជំនាញទន់)។

ប្រសិនបើអ្នកជាប្រភេទមនុស្សដែលដឹងថា ពេលណាត្រូវនិយាយ និងពេលណាត្រូវធ្វើការ អ្នកអាចជាមនុស្សដែលត្រៀមខ្លួនបានរហ័ស សម្រាប់ជំហានបន្ទាប់ៗ ក្នុងអាជីពដែលឆាប់ជាងអ្នកដទៃក្នុងការក្លាយជាមេដឹកនាំឬតំណែងថ្នាក់នាយក(Director)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីមុនគេរើសយក director មើលសញ្ញាប័ត្រតែបច្ចុប្បន្នគេត្រូវការជំនាញទន់។ មនុស្សជាច្រើនមានជំនាញរឹងខ្លាំងៗនិងពូកែណាស់តែមិនអាចឆ្លងផុតកម្រិត Manager មក Director ជារៀងរហូតព្រោះខ្វះជំនាញទន់។

ជំនាញទន់នេះមិនអាចរៀនទេ។ ប្រសិនអ្នកណាប្រកាសបង្រៀនអ្នកតាមអនឡាញឬបើកវគ្គអ្នកអាចទៅអង្គុយសាកមើលបានប៉ុន្តែ មូលដ្ឋានគ្រឹះនៃជំនាញទន់ គឺត្រូវការបទពិសោធន៍ដាច់ខាត។ អ្នកត្រូវតែធ្លាប់ធ្វើការជាកូនចៅគេ និយាយជាមួយមនុស្សច្រើន និងមានព័ត៌មានថ្មីជានិច្ច។ ប្រសិនអ្នកជាកូនអ្នកមាន ត្រូវទទួលខុសត្រូវធំតែម្តងទំាងមិនទាន់មានបទពិសោធន៍ពីក្រោមមក អ្នកត្រូវការទីប្រឹក្សាច្រើន និងអានសៀវភៅជានិច្ច។

ពិបាកត្រង់ថា សាលាមិនបានបង្រៀនអ្នកឲ្យទទួលបាន Soft-skill ដូច្នេះហើយអ្នកត្រូវរៀនពីជីវិតរស់នៅ។ អ្នកត្រូវឆ្លងកាត់ការឈឺចាប់ និងខាតបង់ ទើបរៀនបាន។ វាដូចគ្នាដែលយើងមានមិត្តអាក្រក់ ឬមនុស្សស្រលាញ់គ្នារាប់ឆ្នាំហើយក្បត់ចិត្ត យើងរៀនបានច្រើនជាងមើលរឿងស្នេហារាប់រយដងព្រោះឆ្លងកាត់ផ្ទាល់។

មធ្យោបាយល្អ ក្នុងការបង្វឹកជំនាញទន់គឺ យើងត្រូវតែឆ្លងកាត់ការងារឲ្យបានឆាប់។ ពោល គឺ តំាងពីនៅរៀន យើងគួរចូលរួមគម្រោងនានាស្ម័គ្រចិត្តនិងចាប់ផ្ដើមពីការងារតូចៗ។

ត្រូវចាំថា កម្រិតនាយកមិនមែនអាស្រ័យលើកាតដែលអ្នកកាន់ទេ ។ នាយកមានតួនាទីបណ្តុះបណ្តាល Manager ចំណែកដែលកូនចៅមិនដែលរីកចម្រើន និងកូនចៅមិនមានអ្នកណាក្លាយជា Mangerបានសោះនោះ អ្នកនៅមិនទាន់គ្រប់សមត្ថភាពនៅឡើយ៕

ប្រែសម្រួល៖ សុភា

ប្រភព៖ Monster

ចុចអាន៖ជំនាញទន់សំខាន់ៗចំនួន ៥ ដែលអ្នកដឹកនាំគ្រប់រូបគួរមានជាចាំបាច់

ចុចអាន៖អាជីពអ្វីក៏ដោយ បើគ្មាន ៥យ៉ាងនេះពិបាកជោគជ័យណាស់

Related Topics:អាជីព