ជីវិតកម្សាន្ដ

តារាសម្ដែងជើងចាស់ ម៉ែ ផល្លា បញ្ជាក់ពីអាការៈក្រោយចូលព្យាបាលជំងឺកូវីដបាន៣ថ្ងៃ

បានផុស

៤ years មុន

នៅ

ថ្ងៃចន្ទ ៣ ឧសភា ២០២១

ដោយ

គិតមកទល់ពេលនេះ មានរយ:ពេលប្រមាណ៣ថ្ងៃហើយ ដែលតារាសម្តែងជើងចាស់អ្នកស្រី អ៊ឹម ផល្លា ហៅម៉ែ ផល្លា បានចូលសម្រាកព្យាបាលជំងឺកូវីដ-១៩ បន្ទាប់ពីតេស្តរកឃើញវិជ្ជមាន។

ប្រាប់កម្ពុជាថ្មីតាមទូរស័ព្ទអ្នកស្រី អ៊ឹម ផល្លា បានឲ្យដឹងថា រហូតមកទល់ពេលនេះអាការ:ជំងឺរបស់គាត់មិនមានអ្វីប្រួលប្រែគួរឲ្យបារម្ភឡើយ ពោលគឺគ្រាន់ក្តៅខ្លួនបន្តិចបន្តូចតែប៉ុណ្ណោះ។ ម្យ៉ាងក៏ទទួលបានការយកចិត្តទុកដាក់ពីសំណាក់ក្រុមគ្រូពេទ្យចំពោះអ្នកជំងឺកូវីដ-១៩ទាំងអស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងអ្នកស្រី អ៊ឹម ផល្លាបន្តថា “ខ្ញុំមិនបារម្ភទេព្រោះបានមកដល់ពេទ្យអញ្ចឹងគឺកក់ក្តៅខ្លាំង តែរឿងមួយទៀតដែលបារម្ភ គឺកូនស្រីដែលកំពុងធ្វើចត្តាឡីស័កនៅឯបន្ទប់ផ្ទះជួលដើម្បីរងចាំលទ្ធផលតេស្តសំណាករកកូវីដ-១៩”។

អ្នកស្រី អ៊ឹម ផល្លា បានធ្វើតេស្តរកឃើញឆ្លងជំងឺកូវីដ-១៩កាលពីយប់ថ្ងៃទី២៩ ខែមេសា និងត្រូវបានក្រុមគ្រូពេទ្យចុះទៅយកមកព្យាបាលនៅថ្ងៃទី៣០ ខែមេសា ឆ្នាំ២០២១ ខណ:បច្ចុប្បន្នកំពុងសម្រាកព្យាបាលនៅអាគារឌឺព្រីមៀរសែនសុខ(ម្តុំអ៊ីអន២) ៕

អត្ថបទ ៖ ចាន់រ៉ា