ព័ត៌មានជាតិ

ក្រុមគ្រូពេទ្យជួរមុខពេទ្យរុស្សី បានជួយសម្រាលកូនដល់ស្ត្រីមានវិជ្ជមានកូវីដ១៩ ចំនួន៩នាក់មកហើយ

បានផុស

៤ years មុន

នៅ

ថ្ងៃចន្ទ ៣ ឧសភា ២០២១

ដោយ

ភ្នំពេញ ៖ លោកសាស្ត្រាចារ្យ ងី ម៉េង ប្រធានមន្ទីរពេទ្យមិត្តភាពខ្មែរសូវៀត(ពេទ្យរុស្សី)បានឲ្យដឹងថា រហូតមកដល់ពេលនេះក្រុមគ្រូពេទ្យជួរមុខនៃមន្ទីរពេទ្យមិត្តភាពខ្មែរ-សូវៀត បានខិតខំប្រឹងប្រែងសម្រាលកូនជូនស្ត្រីជាអ្នកជំងឺកូវីដ-១៩បានចំនួន៩នាក់ប្រកបដោយសុខសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យបានបន្តថា ជាក់ស្តែងនៅយប់ថ្ងៃទី ០២ ខែ ឧសភា ឆ្នាំ២០២១ ក្រុមគ្រូពេទ្យជួរមុខនៃមន្ទីរពេទ្យមិត្តភាពខ្មែរ-សូវៀត បានខិតខំប្រឹងប្រែងអស់ពីកម្លាំងកាយចិត្តសម្រាលកូនជូនអ្នកជំងឺកូវីដ-១៩ ចំនួន ០២ នាក់ទៀត ដោយម្នាក់សម្រាលដោយធម្មជាតិ និងម្នាក់ទៀតដោយវះកាត់ (ជាកូនទី ៨ ទី ៩) បានដោយជោគជ័យ និងសុខសុវត្ថិភាពទាំងម្តាយ និងកូន។

លោកសាស្ត្រាចារ្យ ងី ម៉េងបានបញ្ជាក់ថា « តាងនាមឲ្យថ្នាក់ដឹកនាំមន្ទីរពេទ្យមិត្តភាពខ្មែរ-សូវៀត សូមថ្លែងអំណរគុណយ៉ាងជ្រាលជ្រៅ និងសូមជូនពរ ដល់ក្រុមគ្រូពេទ្យទាំងអស់ ទទួលបាននូវសុខភាពល្អ និងសុវត្ថិភាព ជៀសផុសពីជំងឺដ៏កាចសាហាវនេះ»។

គួរបញ្ជាក់ថា មន្ទីរពេទ្យមិត្តភាពខ្មែរសូវៀតជាមន្ទីរពេទ្យលេចធ្លោមួយដែលបានជួយព្យាបាលជំងឺកូវីដ ១៩បានជាសះស្បើយយ៉ាងច្រើន ហើយបច្ចុប្បន្នមន្ទីរពេទ្យនេះរួមនឹងមន្ទីរពេទ្យល្លួងម៉ែ ត្រូវបានក្រសួងសុខាភិបាលដាក់សម្រាប់ព្យាបាលអ្នកជំងឺកូវីដណា ដែលមានភាពធ្ងន់ធ្ងរប៉ុណ្ណោះ៕

ដោយ ៖ សំអឿន