កូវីដ-១៩

ស្ដ្រីពីរនាក់ម្តាយកូន តេស្តវិជ្ជមានកូវីដ បានរកឃើញនៅឃុំឆ្នុកទ្រូ កាលពីល្ងាចថ្ងៃទី០៤ម្សិលមិញនេះ

បានផុស

៤ years មុន

នៅ

ថ្ងៃពុធ ៥ ឧសភា ២០២១

ដោយ

ស្ត្រីជនជាតិវៀតណាមពីរនាក់ម្ដាយនិងកូន រស់នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ លទ្ធផលនៃការធ្វើសំណាកលើកទី២ល្ងាចថ្ងៃម្សិលមិញ បានបញ្ជាក់ថា មានវិជ្ជមានកូវីដ១៩។ នេះបើយោងតាមការឲ្យដឹងពី លោកវេជ្ជបណ្ឌិត ប្រាក់វ៉ុន ប្រធានមន្ទីរសុខាភិបាល ខេត្តកំពង់ឆ្នាំង នៅព្រឹកថ្ងៃទី០៥ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានមន្ទីរសុខាភិបាលបានឲ្យដឹងថា ស្ត្រីជនជាតិវៀតណាម ដែលមានវិជ្ជមានកូវីដ១៩ខាងលើនេះ មានឈ្មោះ ឡេ ធីធី អាយុ២៦ឆ្នាំ និងកុមារីជាកូន ឈ្មោះ វៀង ធីអៀង អាយុ២ឆ្នាំ ដោយពួកគេបានឆ្លងពីស្ត្រីជនជាតិវៀតណាមកាលពីខែមុន ដែលមានវិជ្ជមានកូវីដ១៩ នៅ ក្នុងភូមិឆ្នុក ទ្រូឃុំឆ្នុកទ្រូ។ បើគិតមកដល់ពេលនេះ នៅក្នុងឃុំឆ្នុកទ្រូស្រុកបរិបូណ៌ មានអ្នកវិជ្ជមានកូវីដ១៩ សរុបចំនួន៦នាក់ហើយ ដែលសុទ្ធតែជាជនជាតិវៀតណាម។ ដោយឡែកលោកប្រធានមន្ទីរសុខាភិបាលខេត្តកំពង់ឆ្នាំង បានបញ្ជាក់ឲ្យដឹងទៀតថា អ្នកមានជំងឺកូវីដ១៩ នៅក្នុងខេត្តកំពង់ឆ្នាំងគិតមកដល់ថ្ងៃនេះ សរុបមានចំនួន២១នាក់ហើយ ក្នុងនោះមានអ្នកជំងឺ២នាក់បានស្លាប់ នៅក្នុងមន្ទីរពេទ្យបង្អែកខេត្តកំពង់ឆ្នាំង។

ជាមួយគ្នានេះដែ រមន្ទីរសុខាភិបាលខេត្តនិងអាជ្ញាធរខេត្តក៏សូមអំពាវនាវផងដែរ ដល់ប្រជាពលរដ្ឋគ្រប់មូលដ្ឋាន សូមមេត្តាប្រុងប្រយ័ត្នឲ្យបានខ្ពស់ ពិសេសចំពោះប្រជាពលរដ្ឋ ដែលមានការពាក់ព័ន្ធដោយផ្ទាល់និងប្រយោលជាមួយនឹងអ្នកជំងឺកូវីដ១៩ នៅតាមមូលដ្ឋានសូមមេត្តារួសរាន់មកធ្វើសំណាក ដើម្បីរូមគ្នាទប់ស្កាត់ការរាលដាលជំងឺកូវីដ១៩ ចូលក្នុងសហគមន៍៕

អត្ថបទ៖ ឈៀងថារិទ្ធ

សូមចុចអាន៖ យុវជនម្នាក់រពិសដៃបង្ហោះព័ត៌មានមិនពិតថា អ្នកជំងឺកូវីដ បានរត់ចេញ