កូវីដ-១៩

អគ្គិសនី និងរដ្ឋាករទឹក សូមរកដំណោះស្រាយ អនុគ្រោះជួយកម្មករក្នុងគ្រាលំបាក

បានផុស

៤ years មុន

នៅ

ថ្ងៃសៅរ៍ ៨ ឧសភា ២០២១

ដោយ

ប្រមុខរដ្ឋាភិបាលបានទទូចដល់អគ្គិសនីកម្ពុជា និងរដ្ឋាករទឹក អនុគ្រោះការយកថ្លៃសេវាទឹកភ្លើងពីបងប្អូនកម្មករ-កម្មការិនី ដែលកំពុងជួបការលំបាកក្នុងតំបន់បិទខ្ទប់។

សម្តេចតេជោ ហ៊ុន សែន បានថ្លែងក្នុងសារសំឡេងនៅព្រឹកនេះថា សុំឲ្យអាជ្ញាធរអគ្គិសនីកម្ពុជា និងរដ្ឋាការទឹកស្វ័យតភ្នំពេញ ផ្តោតយកចិត្តទុកដាក់លើបងប្អូនកម្មករដែលមានផ្ទះជួលជាមុន ក្នុងការរកដំណោះស្រាយណាមួយអនុគ្រោះការយកថ្លៃទឹកថ្លៃភ្លើង ដើម្បីរួមចំណែកជួយបងប្អូនកម្មករដែលជួបការលំបាក បាត់ចំណូលក្នុងពេលបិទខ្ទប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខរដ្ឋាភិបាលបានថ្លែងបញ្ជាក់ថា វិធានការនេះមិនរាលដាលដល់ម្ចាស់ផ្ទះដែលមានលទ្ធភាព មានម៉ាស៊ីនត្រជាក់ មានការហូបចុកគ្រប់គ្រាន់ ទាមទារការអនុគ្រោះថ្លៃទឹកថ្លៃភ្លើងនោះទេ។

សម្តេចថា៖ “ម៉ោងនេះមិនមែនជាពេលទាមទារសមភាព សមធម៌នោះទេគឺគ្រប់គ្នាត្រួវរួមគ្នា ជួយគ្នាឆ្លងកាត់ការលំបាកនេះទាំងអស់គ្នា”។

ដោយឡែកលើការយកថ្លៃផ្ទះជួលរបស់បងប្អូនកម្មករវិញ សម្តេចតេជោក៏ស្នើសុំយោគយល់។ សម្តេចថ្លែងថា ក្នុងរយៈពេលកន្លងទៅនេះ មានម្ចាស់ផ្ទះមួយចំនួនសម្រេចមិនយកប្រាក់ឈ្នួលកម្មករឬបញ្ចុះថ្លៃ។ យ៉ាងណាមិញ នៅសេសសល់បងប្អូនមួយចំនួនខ្វះការយោគយល់។ ប្រមុខរដ្ឋាភិបាលស្នើសុំផ្អាកបណ្តោះអាស្នការយកប្រាក់ឈ្នួលពីកម្មករកម្មការនី។ ប្រសិនបើម្ចាស់ផ្ទះឈ្នួលទាំងឡាយផ្អាកយកថ្លៃឈ្នួល ឬបញ្ចុះថ្លៃប៉ុន្មានភាគរយ ចំនួនតិច ឬចំនួនច្រើន តាមលទ្ធភាពដែលអាចធ្វើទៅបាន។ ហើយប្រសិនបើម្ចាស់ផ្ទះជួលខ្លះ អាចលើកលែងទៅបាន ក្នុង១ ខែ ២ ខែ ឬ៣ ខែ ក៏សូមធ្វើការលើកលែង៕

Related Topics: