កូវីដ-១៩

រកឃើញមន្ត្រីកងរាជអាវុធហត្ថ១០នាក់ឆ្លងកូវីដ-១៩នៅរាជធានីភ្នំពេញ

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

មន្ត្រីកងរាជអាវុធហត្ថចំនួន១០នាក់រស់នៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ត្រូវបានរកឃើញថា មានឆ្លងជំងឺកូវីដ-១៩ ក្នុងចំណោមអ្នកឆ្លងសរុបចំនួន១៥៤នាក់ ដែលសាលារាជធានីភ្នំពេញបានប្រកាសនៅថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហាញអត្តសញ្ញាណអ្នកជំងឺទាំង១៥៤នាក់ ដែលសាលារាជធានីភ្នំពេញបានប្រកាសនៅថ្ងៃនេះបានឲ្យដឹងថា មន្ត្រីកងរាជអាវុធហត្ថចំនួន១០នាក់ដែលមានឆ្លងជំងឺកូវីដ១៩ថ្មីនោះរួមមានទី១ឈ្មោះ ឡុង សេងហាក់ មានអាយុ៤៤ឆ្នាំ ទី២.ឈ្មោះ សារ៉ាយខូច អាយុ៤៨ឆ្នាំ ទី៣.ឈ្មោះនុតភិន អាយុ៥២ឆ្នាំ ទី៤.ឈ្មោះ ទួច អ៊ិត អាយុ៥៤ឆ្នាំ ទី៥.ឈ្មោះ ប៉ុល ដារ៉ា អាយុ៣៩ឆ្នាំទី៦.ឈ្មោះ គីម ចាន់នី អាយុ៥១ឆ្នាំ ទី៧.ឈ្មោះ សេង រ៉ាវី អាយុ៤៩ឆ្នាំ ទី៨.ឈ្មោះ អ៊ុយ តាំងវឌ្ឍនៈ អាយុ៤៤ឆ្នាំទី៩.ឈ្មោះ មាស ចន្ថា អាយុ៥០ឆ្នាំ និងទី១០.ឈ្មោះ គន វ៉ាន់ អាយុ៥២ឆ្នាំ ដែលអ្នកទាំង១០នាក់នេះសុទ្ធរស់នៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

បើតាមរបាយការណ៍របស់សាលារាជធានីភ្នំពេញ ក្រៅពីនេះក៏មានកម្មកររោងចក្រ និងកម្មករសំណង់ បុគ្គលិកក្រុមហ៊ុន អ្នកលក់ផ្លែឈើ បុគ្គលិកផ្សារទំនើបជនជាតិចិន និងអ្នករត់កង់បីបានឆ្លងជំងឺកូវីដ១៩។

កាលពីថ្ងៃទី១០ ទី១១ និងទី១២ ខែឧសភា សាលារាជធានីភ្នំពេញបានរកឃើញមន្ត្រីនគរបាលប្រមាណជាង៤០នាក់ ក៏ដូចជាមន្ត្រីក្រសួងការពារជាតិ និងមន្ត្រីក្រសួងសុខាភិបាលមួយចំនួនក៏បានឆ្លងជំងឺកូវីដ១៩ផងដែរ។

គួរបញ្ជាក់ថា គិតត្រឹមព្រឹកថ្ងៃទី១៣ ខែឧសភា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុបចំនួន២១១៤១នាក់ អ្នកជាសះស្បើយចំនួន៩៥១៩នាក់ និងអ្នកស្លាប់កើនឡើងដល់១៤២នាក់៕

អត្ថបទ ៖ សំអឿន

Related Topics:កូវីដ-១៩