នៅពេលមនុស្សប្រុសបេះដូងដែកចាប់ផ្តើមលង់ស្នេហ៍លើស្រីម្នាក់

ការធ្លាក់ក្នុងអន្លង់ស្នេហ៍ គ្មានអ្នកណាជៀសរួចទេ ទោះអ្នកនោះមើលពីក្រៅដូចជាបេះដូងដែកយ៉ាងណាក្តី។ សេចក្តីស្នេហាទោះបីមិនមានរូបមន្តពិតប្រាកដ តែមានចរិកលក្ខណៈខ្លះ ដែលបុរសឬនារីបេះដូងដែករកឃើញថា មិនអាចខ្វះបាន ចង់មានមកស្អំថ្នមជីវិត ហើយចំពោះមនុស្សប្រុស ដែលពិបាកៗពេល ចេះលង់ស្រលាញ់ស្រីណាម្នាក់គេនឹងក្លាយជាមានចរិតលក្ខណៈខាងក្រោម នេះងាយសម្គាល់ដឹង៖

១. សរសើរនាងនឹងណែនាំឱ្យស្គាល់មិត្តភក្តិ

មនុស្សឯកោ មនុស្សបេះដូងថ្ម មនុស្សក្រអឺត មនុស្សស្ងាត់ឈឹង ស្រាប់តែមកបង្ហាញយើងឱ្យស្គាល់ មិត្តភក្តិគាត់ សរសើរនាង នៅចំពោះមុខមិត្តភក្តិ គឺជាតម្រុយធំមួយអាចជារឿងគួរឱ្យជឿបានថា គេទំនងជាកំពុងបាក់ស្រឹបៗហើយ។ ប្រសិនបើគេសរសើរយើងនៅចំពោះមុខពួកគេម្តងហើយម្តងទៀត អាចជាសញ្ញាប្រយោលថា គេមិនអាចទប់ចិត្តដែលកំពុងរំភើបចំពោះយើងបានទេ។

២. ការពារ

បើគេនោះក្លាយជាមនុស្សមិនខ្លាចក្នុងការចេញមុខនិយាយការពារ ធ្វើសកម្មភាពឃុំគ្រង ចាត់ចែង ផ្តល់កិត្តិយសយើង នៅចំពោះមុខមនុស្សគ្រប់គ្នា អ្នកមិនចាំបាច់តែសូម្បីតែគិត មនុស្សប្រុសចេញមុខការពារតែនារីណាដែលមានរូបភាព ក្នុងបេះដូងគេតែប៉ុណ្ណោះ។

៣. សមត្ថភាពគ្រប់គ្រងអារម្មណ៍

បើពីមុនបុរសនោះមិនមែនជាមនុស្សចេះ គ្រប់គ្រងទឹកមុខ មិនយល់ពីអារម្មណ៍គេឯង ឆាប់ខឹង ឆាប់ពេបជ្រាយ ពេលនេះបែរមកជាព្រមស្តាប់ ព្រមប្តូរ ហើយនៅស្ងាត់ស្ងៀមមិនងាយខឹងសម្បារ នោះគឺជាទេវកថានៃសេចក្តីស្នេហា។ ទោះពួកគេបង្ហាញអារម្មណ៍ចេញមកតិចជាងស្ត្រីតែយើងអាចសម្គាល់ដឹង។

៤. រកលេសនិយាយឈ្មោះនាង

ពេលមនុស្សប្រុសមានអ្នកក្នុងបេះដូង គេជួយខ្លួនឯងមិនបានទេនឹងបំបាត់ការទន្ទេញ ហៅឈ្មោះនាង ។ មិនតែប៉ុណ្ណោះ គេថែមទាំងព្យាយាមនិយាយអ្វីក៏ដោយឱ្យតែពាក់ព័ន្ធនឹងឈ្មោះនាងឱ្យបានមួយម៉ាត់ដែរ ។ ពេលជួបអ្នកស្គាល់គ្នាគេតែ សួររកនាង ចង់ដឹងដំណឹងនាង គេត្រេកអរពេលឃើញអ្នកណាដែលស្និទ្ធស្នាលនឹងនាង គឺមានអារម្មណ៍ដូចបានឃើញនាង៕

ប្រែសម្រួល៖ តុងឡុង

ប្រភព៖ medium

ចុចអាន៖ ស្នេហាដើរដល់ផ្លូវទាល់ហើយបើមានសញ្ញាទាំងនេះ

ចុចអាន៖ តាមប្រមាញ់បេះដូងនារីល្អម្នាក់មិនពិបាកទេ ប្រសិនដឹងវិធីសាស្ត្រទំាងនេះ