កូវីដ-១៩
លោកតាវ័យ៩៨ឆ្នាំ ជាអ្នកសុំទាននៅផ្សារច្បារអំពៅឆ្លងជំងឺកូវីដ-១៩ ដេកស្លាប់មិនមានអ្នកដឹង
អ្នករស់នៅច្បារអំពៅបានសម្ដែងនូវក្តីអាណិតអាសូរដល់លោកតាម្នាក់មានវ័យរហូត៩៨ឆ្នាំហើយរស់នៅដោយសារការជួយលុយកាក់ពីប្រជាពលរដ្ឋដាក់ទានជូន បែជាស្លាប់ដោយសារកើតជំងឺកូវីដ១៩។
ហេតុការណ៍គួរឲ្យភ្ញាក់ផ្អើលនេះ បានកើតឡើងនៅវេលាម៉ោង៨យប់ ថ្ងៃទី១៦ ខែឧសភា ក្នុងខ្ទមកម្សត់របស់លោកតា ស្ថិតលើសួនជាប់គល់ស្ពានព្រះមុនីវង្សចាស់ ក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
តាមសេចក្តីរាយការណ៍ពីលោក ជូ ចាន់នី ជំនួយការសាលាសង្កាត់ច្បារអំពៅទី២បានឲ្យកម្ពុជាថ្មីដឹងថា លោកតាដែលបានមរណភាពដោយជំងឺកូវីដ១៩នេះ ត្រូវបានគេស្គាល់ឈ្មោះ អ៊ុក នៅ អាយុ៩៨ឆ្នាំ មុខរបរជាអ្នកសុំទាននៅផ្សារច្បារអំពៅ។
តាមការរៀបរាប់ពីក្រុមគ្រួសារលោកតាបានប្រាប់ លោក ជូ ចាន់នី មុនពេលដែលលោកតាកើតជំងឺនោះ គឺបន្ទាប់ពីលោកតាត្រឡប់មកពីសុំទានគេ នៅក្បែរតំបន់ក្រហមក្បែរគល់ស្ពានព្រះមុនីវង្សចាស់ ដែលជាតំបន់ក្រហម។ នៅពេលដែលឃើញលោកតាមិនស្រួលខ្លួននោះ គឺកូនចៅព្រមទាំងលោកយាយជាប្រពន្ធ មិនចាប់អារម្មណ៍ទេ ព្រោះជាទម្លាប់របស់លោកតាដែលចូលចិត្តសម្រាកដោយមិនដែលចេះត្អូញត្អែឡើយ។ លុះដល់វេលាម៉ោង៨យប់ថ្ងៃទី១៦ ខែឧសភាទើបដឹងថាលោកតាស្លាប់រហូតដល់រឹងខ្លួនទៅហើយ។
លោក ជូ ចាន់នី បញ្ជាក់ថា ក្នុងដំណាក់កាលជំងឺកូវីដ១៩កំពុងឆ្លងរាលដាលជាសហគមន៍នោះ គឺនៅពេលដែលមានប្រជាពលរដ្ឋណាមរណភាព ត្រូវឲ្យគ្រូពេទ្យមកយកសំណាកពីសាកសពហើយនៅពេលដែលអាជ្ញាធររាយការណ៍ដល់គ្រូពេទ្យចុះទៅយកសំណាក គឺទើបដឹងថា លោកតាមានវីជ្ជមានកូវីដ១៩។
កូនចៅលោកតាបានប្រាប់ថា លោកតាបានឆ្លងពីអ្នកជំងឺកូវីដ១៩ដែលតែងតែអាណិតលោកតាហើយផ្តល់ជាថវិកា និងម្ហូបចំណី។ ហើយលោកតាក៏មិនដឹងថា អ្នកដែលដាក់ទានដល់លោកតាមានផ្ទុកជំងឺកូវីដ១៩នោះឡើយ។ ប្រជាពលរដ្ឋមានក្តីអាណិតអាសូរដល់លោកតាដែលរស់នៅដោយសារតែការដាក់ទានពីសប្បុរសជន។
បើតាមការបញ្ជាក់ពីលោក ជូ ចាន់នី គឺសពលោកតាត្រូវបានគ្រូពេទ្យដឹកយកទៅបូជាតាមលក្ខណៈបច្ចេកទេស។ ចំណែកកូនចៅនិងភរិយាលោកតា ត្រូវបានដាក់ឲ្យធ្វើចត្តាឡីស័ក និងបន្តយកសំណាកកូនចៅ ព្រោះអាចឆ្លងជំងឺដ៏សាហាវនេះជាក់ជាពុំខាន៕
អត្ថបទ ៖ នរា
កុមារា អាយុ ៩ឆ្នាំម្នាក់ លង់ទឹកស្លាប់នៅស្រុកឆ្លូង
សំណាកចំណីអាហារ១២មុខ ត្រូវបានមន្ត្រីជំនាញពិនិត្យរកសារធាតុហាមឃាត់
អបអរសាទរ! U20 កម្ពុជា បានឈ្នះ បារ៉ែន បង្កើតក្តីសង្ឃឹមឡើងវគ្គបន្ត
តុលាការកាត់ទោសបុរសស្រវឹងបើករថយន្តបុកមនុស្សស្លាប់៤នាក់នៅស្ពានអាកាសឬស្សីកែវ ឱ្យជាប់ពន្ធធនាគា៥ឆ្នាំ
លោក លី ធុជ៖ សម្ដេចធិបតី ជាមេដឹកនាំសកម្មក្នុងការអំពាវនាវឱ្យបណ្តាប្រទេសនានាគាំទ្រដល់អនុសញ្ញាអូតាវ៉ា
លោក លៀក លីដា បង្ហាញការខកចិត្តចំពោះការរិះគន់របស់ Allan
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ៧ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១៩ ម៉ោង agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២០ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព