កូវីដ-១៩

ខេត្តកំពង់ស្ពឺរកឃើញអ្នកឆ្លងកូវីដ១៩ ចំនួន២៤នាក់បន្ថែមទៀត ភាគច្រើនជាកម្មកររោងចក្រ

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

រដ្ឋបាលខេត្តកំពង់ស្ពឺ បានប្រកាសរកឃើញអ្នកឆ្លងជំងឺកូវីដ១៩ ថ្មីចំនួន២៤រូបបន្ថែមទៀត នៅថ្ងៃទី១៦ ខែឧសភា ដែលធ្វើឲ្យចំនួនអ្នកជំងឺកើនឡើងដល់ទៅ២៤៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺ បានឲ្យដឹងថា ក្នុងចំណោមអ្នករកឃើញថ្មីចំនួន២៤នាក់នេះក្នុងនោះមាន១៩នាក់ជាកម្មកររោងរួមមានចក្រវ៉ាសាន់ចំនួន១៧នាក់ និងរោងចក្រសាន់បេសចំនួន២នាក់ និងក្រៅពីនេះ ជាកូននិងសាច់ញាតិរបស់កម្មករទាំងនោះ។

នៅថ្ងៃទី១៦ឧសភានេះដែរ មានអ្នកជំងឺចំនួន១៣នាក់ បានជាសះស្បើយផងដែរ ដែលធ្វើឲ្យចំនួនអ្នកជាកើនឡើងដល់ចំនួន២៨នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន២១៧នាក់និងស្លាប់ចំនួន៧នាក់ផងដែរ។

រដ្ឋបាលខេត្តបានអំពាវនាវដល់បងប្អូនប្រជាពលរដ្ឋ ដែលបានប៉ះពាល់ផ្ទាល់ ឬប្រយោលជាមួយ បុគ្គលខាងលើ សូមដាក់ខ្លួនឲ្យនៅដាច់ដោយឡែក និងទាក់ទងទៅអាជ្ញាធរមូលដ្ឋានជាបន្ទាន់ ដើម្បីយកសំណាក់ នៅមន្ទីរពេទ្យបង្អែក។ ដោយសារស្ថានភាពជំងឺកូវីដ ចេះតែបន្តកើនឡើងនោះរដ្ឋបាលខេត្តកំពង់ស្ពឺ បានសម្រេចយកអនុវិទ្យាល័យឡុងស៊ាងមួយកន្លែងទៀត ដែលមានទីតាំងស្ថិតនៅស្រុកភ្នំស្រួច ដែលអាចដាក់គ្រែបាន៣០០គ្រែធ្វើជាមណ្ឌលសម្រាប់ព្យាបាលអ្នកជំងឺកូវីដ១៩ ខណៈមណ្ឌលព្យាបាលចំនួន៦កន្លែង បានដាក់អ្នកជំងឺជិតពេញអស់ហើយ។ បើតាមគម្រោងមណ្ឌលព្យាបាលអនុវិទ្យាល័យឡុងស៊ាងនេះ គ្រោងនឹងរៀបចំឲ្យរួចរាល់ នៅក្នុងរយៈពេល២ថ្ងៃខាងមុខនេះ៕

អត្ថបទ៖ សំអឿន

សូមចុចអាន៖ យូរបំផុតត្រឹមខែមិថុនា ពលរដ្ឋនៅរាជធានីភ្នំពេញអាយុ ១៨ ឆ្នាំ បានចាក់វ៉ាក់សាំងគ្រប់គ្នា