ព័ត៌មានជាតិ

តុលាការ សម្រេចដោះលែងកូនប្រសាឧកញ៉ា ហេង សៀ

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

យោងតាមសេចក្តីថ្លែងការរបស់តំណាងអយ្យការអមសាលាដំបូងរាជធានីភ្នំពេញ នៅរសៀលថ្ងៃទី១៧ ខែឧសភា ឆ្នាំ២០២១នេះ បានប្រកាសដោះលែងបុគ្គលឈ្មោះ ឃន ឈុនតារា កូនប្រសារឧកញ៉ា ហេង សៀ និងឈ្មោះតាំង គឹមហៀង ក្រោយការស៊ើបអង្កេតពីរថ្ងៃ។

បើតាមសេចក្តីថ្លែងការណ៍ បុគ្គលឈ្មោះ ឃន ឈុនតារា មិនជាប់ពាក់ព័ន្ធក្នុងការផលិតរូបភាពអាសអាភាសនោះទេ តែទទួលស្គាល់បានចែកចាយរូបអាសអាភាស ដើម្បីបំផ្លាញកិត្តិយសកញ្ញា មាន ពេជ្ររីតា ពិធីការិនីទូរទស្សន៍ MYTV។

យ៉ាងណាមិញ ឈ្មោះ ឃន ឈុនតារា និងឈ្មោះតាំង គឹមហៀង បានឆ្លើយសារភាពពិតជាបានជ្រើសរើសមនុស្សពីរនាក់គឺស្រីម្នាក់ និងបុរសម្នាក់ ដែលមានលក្ខណៈភិនភាគប្រហាក់ប្រហែលកញ្ញា មាន ពេជ្ររីតា និងឈ្មោះ ហេង សៀ ដើម្បីថតសម្តែងត្រាប់អង្គហេតុនៃជម្លោះដែលកើតមានឡើងរវាងកញ្ញា មាន ពេជ្ររីតា និងឈ្មោះហេង សៀ ក្នុងរថយន្តកើតហេតុពិតប្រាកដមែន តែមិនពាក់ព័ន្ធការថតវីដេអូឃ្លីបអាសអាភាស ឬរូបភាពអាសអាភាស ដែលចែកចាយក្នុងបណ្តាញសង្គមនោះទេ។

បន្ទាប់ពីការស៊ើបអង្កេតស្រាវជ្រាវរួចមក អយ្យការអមសាលាដំបូងរាជធានីភ្នំពេញ បានសម្រេចដោះលែងបុគ្គលឈ្មោះ ឃន ឈុនតារា កូនប្រសារឧកញ៉ា ហេង សៀ និងឈ្មោះតាំង គឹមហៀង និងបន្តស៊ើបអង្កេតស្រាវជ្រាវ ប្រភពនៃការផលិតរូបភាពអាសអាភាស ដែលបានចែកចាយនៅលើបណ្តាញសង្គម នាំឲ្យប៉ះពាល់ដល់ប្រពៃណីខ្មែរ សីលធម៌សង្គម និងសេចក្តីថ្លៃថ្នូររបស់ស្រ្តី ត្រូវនាំមកផ្តន្ទាទោសតាមផ្លូវច្បាប់។

ឈ្មោះ ឃន ឈុនដារ៉ា ត្រូវបានគេស្គាល់ថា ជាម្ចាស់កាហ្វេល្បីមួយឈ្មោះ The KOI និង Tube Cafe និងត្រូវជាកូនប្រសាឧកញ៉ា ហេង សៀ ដែលជាអ្នកជំនួញដ៏ធំមួយនៅប្រទេសកម្ពុជា៕