ព័ត៌មានអន្ដរជាតិ
បុគ្គលិក Microsoft គិតថា Bill Gates គួរលាលែងពីតំណែងពាក់ព័ន្ធនឹងស្នេហាជាមួយបុគ្គលិក
សមាជិកក្រុមប្រឹក្សាភិបាលក្រុមហ៊ុន Microsoft ជាច្រើននាក់ជឿជាក់កាលពីឆ្នាំមុនថា ស្ថាបនិកក្រុមហ៊ុន លោកមហាសេដ្ឋី Bill Gates មិនគួរអង្គុយក្នុងតំណែងនាយកប្រតិបត្តិនៃក្រុមប្រឹក្សាភិបាលឡើយ បន្ទាប់ពីលេចចេញព័ត៌មានថា លោកមានទំនាក់ទំនងស្នេហាផ្លូវភេទជាមួយបុគ្គលិកស្រីម្នាក់។ នេះបើតាម Wall Street Journal បានផ្សាយនៅថ្ងៃអាទិត្យ។
ប្រភពចេញផ្សាយព័ត៌មានបានផ្សាយថា សមាជិកជាច្រើននៃក្រុមប្រឹក្សាភិបាលជឿជាក់ថា លោក Gates មិនគួរមានតួនាទីជាអ្នកដឹកនាំនៅក្រុមហ៊ុននេះទេ បន្ទាប់ពីស្ត្រីម្នាក់បានសរសេរលិខិតទៅកាន់ក្រុមហ៊ុនកាលពីឆ្នាំ២០១៩ដោយចោទប្រកាន់ពីទំនាក់ទំនងស្នេហារយៈពេលមួយឆ្នាំជាមួយលោកសេដ្ឋី Gates ដែលជាអ្នកបង្កើតក្រុមហ៊ុននេះកាលពីឆ្នាំ១៩៧៥។
តាម Journal បានផ្សាយថា ក្រុមហ៊ុនបានធ្វើការស៊ើបអង្កេតផ្ទៃក្នុងមួយជុំវិញការអះអាងរបស់ស្ត្រីនោះ កំឡុងពេលសមាជិកក្រុមប្រឹក្សាភិបាលជាច្រើនបានសម្រេចថា លោក Gates គួរចាកចេញពីតំណេង។
លោក Gates ដែលបានប្រកាសលែងលះជាមួយភរិយាលោកស្រី Melinda Gates កាលពីដើមខែនេះបានទទួលស្គាល់នូវទំនាក់ទំនងស្នេហានោះក្នុងសេចក្តីថ្លែងការណ៍មួយតាមរយៈស្ត្រីនាំពាក្យម្នាក់របស់លោកទៅកាន់ Journal ខណៈពេលបញ្ជាក់ថា ទំនាក់ទំនងស្នេហានោះបានបញ្ចប់ដោយស្រុះស្រួលគ្នា។ វាមិនប្រាកដច្បាស់ទេថា ស្ត្រីនោះបានចោទប្រកាន់ពីអាកប្បកិរិយាមិនត្រឹមត្រូវណាមួយរបស់លោក Gates នៅក្នុងលិខិតរបស់នាងកាលពីឆ្នាំ២០១៩ទៅកាន់ក្រុមហ៊ុន Microsoft។
ស្ត្រីនាំពាក្យបាននិយាយថា ៖«មានទំនាក់ទំនងស្នេហាស្ទើរ២០ឆ្នាំកន្លងទៅហើយ ដែលបានបញ្ចប់ដោយស្រុះស្រួលគ្នា។ ការសម្រេចចិត្តរបស់លោកសេដ្ឋីដើម្បីចុះចេញពីតំណែងនៅក្រុមប្រឹក្សាភិបាលកាលពីខែមីនា ឆ្នាំ២០២០ គឺមិនជាប់ពាក់ព័ន្ធនឹងស្នេហានោះទេ។ តាមពិតទៅលោកបានចាប់អារម្មណ៍ចំណាយពេលលើការងារសប្បុរសធម៌របស់លោកដែលបានចំណាយពេលច្រើនឆ្នាំមុន»។
អ្នកនាំពាក្យក្រុមហ៊ុន Microsoft បាននិយាយក្នុងសេចក្តីថ្លែងការណ៍មួយទៅកាន់ Journal ថា ៖«ក្រុមហ៊ុន Microsoft កើតមានក្តីកង្វល់មួយនៅក្នុងលិខិតកាលពីឆ្នាំ២០១៩ដែលលោក Bill Gates បានទំនាក់ទំនាក់ទំនងជិតស្និទ្ធជាមួយបុគ្គលិកក្រុមហ៊ុនម្នាក់កាលពីឆ្នាំ២០០០។ គណៈកម្មាធិការនៃក្រុមប្រឹក្សាភិបាលមួយបានពិតិត្យមើលពីការព្រួយបារម្ភនេះ ដោយមានជំនួយពីក្រុមហ៊ុនផ្នែកច្បាប់ខាងក្រៅដើម្បីធ្វើការស៊ើបអង្កេត។ ឆ្លងកាត់ការស៊ើបអង្កេត ក្រុមហ៊ុន Microsoft បានផ្តល់ការគាំទ្រទូលំទូលាយដល់បុគ្គលិកដែលលើកឡើងពីកង្វល់នេះ»។
ព័ត៌មាននៃចំណងស្នេហារបស់លោក Gates បានកើតឡើងប៉ុន្មានថ្ងៃ បន្ទាប់ពីមានព័ត៌មានថា ភរិយាដែលបែកគ្នារបស់លោកឥឡូវនេះបានជួបមេធាវីលែងលះកាលពីពីរឆ្នាំមុន បន្ទាប់ពីមានសេចក្តីរាយការណ៍ពាក់ព័ន្ធទៅនឹងប្តីរបស់គាត់ជាមួយលោក Jeffrey Epstein ដែលត្រូវបានកាត់ទោសពាក់ព័ន្ធនឹងបទល្មើសផ្លូវភេទ និងជួញដូរផ្លូវដែលបានស្លាប់នៅក្នុងពន្ធនាគារកាលពីឆ្នាំ២០១៩៕
ប្រែសម្រួល៖ វីរបុត្រ
ប្រភព៖ thehill
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១២ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច១ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ