ព័ត៌មានជាតិ

អាជ្ញាធរខណ្ឌឫស្សីកែវ បន្តយុទ្ធនាការផ្សព្វផ្សាយទប់ស្កាត់ជំងឺកូវីដ-១៩

បានផុស

៤ years មុន

នៅ

ថ្ងៃសៅរ៍ ១៤ វិច្ឆិកា ២០២០

ដោយ

លោក ជា ពិសី អភិបាលខណ្ឌឫស្សីកែវ បានដឹកនាំមន្ត្រីក្រោមឱវាទ ធ្វើយុទ្ធនាការផ្សព្វផ្សាយបង្កាទប់ស្កាត់ជំងឺកូវីដ-១៩ តាមបណ្ដាភូមិ សង្កាត់ ជាលើកទី២ ។

នៅក្នុងពិធីជួបជុំ នាព្រឹកថ្ងៃទី១៤ ខែវិច្ឆិកា ឆ្នាំ២០២០នេះ អភិបាលខណ្ឌឫស្សីកែវ បានថ្លែងថា យុទ្ធនាការនេះ ធ្វើឡើងតាមបណ្តាសាមីសង្កាត់ទាំង៧ ដោយចាក់មេក្រូ ផ្សព្វផ្សាយ តាមរយៈម៉ូតូកង់បីចល័ត ព្រមទាំងមានបិត និងចែកខិតប័ណ្ណអប់រំផ្សេងៗទាក់ទងនឹងការបង្ការការពារជំងឺកូវីដ-១៩ នៅតាមមូលដ្ឋានទីប្រជុំជន ផ្សារ និងសហគមន៍នានា ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលចេញដំណើរយុទ្ធនាការ លោក ជា ពិសី អភិបាលខណ្ឌ បានលើកឡើងថា យើងត្រូវណែនាំឲ្យប្រជាពលរដ្ឋក្នុងសហគមន៍ ក៏ដូចជាក្នុងមូលដ្ឋាន លាងដៃឲ្យបានញឹកញាប់ ពាក់ម៉ាស និងរក្សាគម្លាតសុវត្ថិភាព បើមានការសង្ស័យត្រូវទាក់ទងទៅក្រសួងសុខាភិបាល។

លោកបន្តថា កន្លងមកនេះ ក្រោមការដឹកនាំរបស់សម្តេចតេជោ ការប្រយុទ្ធប្រឆាំងជំងឺ កូវីដ-១៩ ទទួលបានជោគជ័យ ប៉ុន្តែប្រជាពលរដ្ឋត្រូវយកចិត្តទុកដាក់បន្តទៀត ព្រោះកូវីដ-១៩ មិនទាន់ស្ងប់ស្ងាត់នៅឡើយទេ ៕

អត្ថបទ ៖ ឌីរៀ