កូវីដ-១៩
គ្រូពេទ្យជួរមុខម្នាក់ត្រូវយកសំណាកមនុស្សជាង ១០០ នាក់ក្នុងមួយថ្ងៃ មិនខ្លាចជួបអ្នកមានកូវីដ ១៩
ជម្នះភាពភ័យខ្លាច និងការព្រួយបារម្ភពីឪពុកម្ដាយនៅស្រុកកំណើត យុវតីម្នាក់បានស្ម័គ្រខ្លួនជាបុគ្គលិកគ្រូពេទ្យអាវស ដើម្បីប្រយុទ្ធមេរោគរាតត្បាតកូវីដ ១៩។
ស្ថិតក្នុងចំណោមក្រុមគ្រូពេទ្យរាប់ពាន់នាក់ទូទាំងប្រទេស ដែលកំពុងប្រយុទ្ធជាមួយជំងឺគ្មានស្រមោល យុវតីវ័យជាង ២០ ឆ្នាំម្នាក់នេះ បានចាកចោលគ្រួសារក្នុងខេត្តកំពត ដើម្បីបំពេញភារកិច្ចដែលគ្រប់គ្នាខ្លាចរអា។
ម៉ោងជាង ៨ យប់ទៅហើយក្រោយសម្រាកពីហត់នឿយពេញមួយថ្ងៃ យុវតី យី រចនា បានប្រាប់កម្ពុជាថ្មីថា កញ្ញាបានស្ម័គ្រចិត្តធ្វើជាគ្រូពេទ្យជួរមុខនេះ ដោយគ្មានអ្នកណាបង្ខំទេ។
យុវតីដែលបានបញ្ចប់ការសិក្សាជំនាញឆ្មបប្រាប់ថា ដោយសារស្រុកទេសជួបជំងឺរាតត្បាត កញ្ញាបានចូលរួមដោយឥតរុញរាចិត្ត ដើម្បីប្រយុទ្ធយកឈ្នះជាមួយជំងឺនេះ។
“ពេលប្រាប់ឪពុកម្តាយនៅឯស្រុក គាត់មិនចង់ឲ្យធ្វើទេ ដោយសារបារម្ភខ្លាចឆ្លងរោគ ប៉ុន្តែស្រុកទេសកើតជំងឺរាតត្បាតចឹង ខ្ញុំត្រូវតែចូលរួម និងបានពន្យល់ពួកគាត់ឲ្យយល់ពីស្ថានភាព ដែលប្រទេសត្រូវការអ្នកស្ម័គ្រចិត្ត លះបង់ធ្វើការងារដ៏គ្រោះថ្នាក់នេះ”។
និស្សិតដែលបញ្ចប់បរិញ្ញាបត្ររងឆ្មបនៅសកលវិទ្យាល័យបច្ចេកទេសថែទាំវេជ្ជសាស្ត្រប្រាប់បន្តថា មុនពេលកញ្ញាចូលរួមធ្វើការងារដែលត្រូវទំនួលខុសត្រូវខ្ពស់នេះ កញ្ញាក៏ជាគ្រូពេទ្យស្ម័គ្រចិត្តនៅមន្ទីរពេទ្យបង្អែកអង្គស្នួលផ្នែកសម្ភព។
ជុំវិញការងារប្រយុទ្ធកូវីដ ១៩ យុវតីមកពីខេត្តកំពតប្រាប់ថា ភារកិច្ចប្រចាំថ្ងៃគឺកញ្ញាត្រូវទៅយកសំណាកអ្នកជំងឺដែលសង្ស័យតាមរោងចក្រ មណ្ឌលព្យាបាល និងទីតាំងផ្សេងទៀតតាមការណែនាំជាក់ស្តែង ហើយជាមធ្យមកញ្ញាត្រូវយកសំណាកមិនក្រោមមួយរយនាក់ទេ ពេលចុះទៅយកម្តងៗ។
កញ្ញាប្រាប់បន្តថា ពេលត្រូវជួបអ្នកសង្ស័យឬជាអ្នកជំងឺ កញ្ញាមិនភ័យខ្លាចនោះទេ មានតែអាណិតខ្លោចចិត្តទៅវិញ មានទាំងមនុស្សចាស់ជរា ក្មេងតូចៗទាំងមិនដឹងអី ដែលខ្លះត្រូវឆ្លងជំងឺដោយមិនដឹងខ្លួន ដោយសារការប៉ះពាល់ពីសាច់ញាតិ។
យុវតីជាកូនច្បងក្នុងគ្រួសារនេះបន្តថា ការងារនេះប្រយ័ត្នបំផុតនោះ អំឡុងពេលយកសំណាកគឺការពារកុំឲ្យឆ្លងពីមនុស្សម្នាក់ទៅម្នាក់ទៀត ហើយក៏ឧស្សាហ៍បាញ់អាកុលជាប្រចាំផងដែរ។
កញ្ញាបានបញ្ជាក់បន្ថែមថា ពេលខ្លះឈុតស្លៀកការពារដែលគ្របពេញមួយតួខ្លួនត្រូវពាក់ពេញមួយថ្ងៃក៏មានដែរ ដោយសារមានអ្នកជំងឺច្រើន ហើយថ្ងៃខ្លះត្រូវយកសំណាកដល់កណ្ដាលអាធ្រាត្រក៏មាន។
ក្នុងរយៈពេលបំពេញការងារដែលត្រូវទទួលខុសត្រូវខ្ពស់នេះ កញ្ញាបញ្ជាក់ថា កន្លងមកមិនដែលជួបបញ្ហាធ្ងន់ធ្ងរ ឬមានក្រុមការងារឆ្លងពីអ្នកជំងឺនោះទេ។ ទោះបីយ៉ាងណា វិធានការការពារនិងការប្រយ័ត្នត្រូវតែប្រកាន់ខ្ជាប់ជានិច្ច ជាមួយការងារប្រឈមគ្រោះថ្នាក់អាចឲ្យអ្នកបាត់បង់ជីវិតគ្រប់ពេលនេះ៕
នាយឧត្តមសេនីយ៍ មាស វិរិទ្ធ ៖ ការសម្អាតចក ឬយកចកចេញពីបឹងគឺផ្តើមចេញពីការចូលរួមរបស់អាជ្ញាធរមូលដ្ឋាននិងប្រជាពលរដ្ឋ និងApp NoDrugគីជាមធ្យោបាយរាយការណ៍ប្រសិទ្ធភាព
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
កិច្ចប្រជុំលើកទី១ នៃគណៈប្រឹក្សាភិបាល កម្មវិធីមុខរបរនិងការងារសមរម្យរបស់យុវជននៅកម្ពុជា ដំណាក់កាលទី៣ (DEY III)
សមាគមនិយោជក ក្រុមហ៊ុនឯកជន ៖ ការដាក់ឱ្យប្រើប្រាស់ បញ្ជរសេវាសាធារណៈចល័តរបស់ក្រសួងការងារ គឺជាការធ្វើទំនើបកម្ម (digitalization) លើសេវាសាធារណៈរបស់រដ្ឋ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ១ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ៧ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់