កូវីដ-១៩

លោកជំទាវ ឱ វណ្ណឌីន ប្រាប់ឱ្យអ្នកចាក់វ៉ាក់សាំងរួចរក្សាទុកកាតកុំឱ្យបាត់

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

មន្ត្រីជាន់ខ្ពស់ក្រសួងសុខាភិបាល បានអំពាវឱ្យប្រជាពលរដ្ឋដែលចាក់វ៉ាក់សាំងរួច ត្រូវរក្សាទុកបណ្ណចាក់វ៉ាក់សាំង ឱ្យបានល្អត្រឹមត្រូវ កុំឱ្យបាត់បង់ ដើម្បីបង្ករភាពងាយស្រួលក្នុងការចាក់វ៉ាក់សាំងការពារកូវីដ១៩។

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងថា “ខ្ញុំសុំអំពាវនាវ ដល់បងប្អូន នៅពេលដែលបានកាតទៅសុំរក្សាទុកឱ្យបានគត់មត់កុំឱ្យបាត់ ព្រោះកាតនេះ គឺជាកាតសម្រាប់ប្រើប្រាស់នៅក្នុងការចាក់លើកទី២”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវថ្លែងថា ប្រសិនបើបងប្អូនបាត់កាត សូមឱ្យទាក់ទងមក គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) ដើម្បីឱ្យក្រុមការងារពិនិត្យមើលឱ្យបានច្បាស់លាស់នូវនីតិវិធី រកមូលហេតុដែលបាត់។

លោកជំទាវថា បញ្ជាក់ថាដោយសារយើង ត្រូវការមានភាពច្បាស់លាស់ពីប្រវត្តិនៃការចាក់លើកទី១ ឬមិនទាន់បានចាក់ ហើយប្រសិនបើមិនទាន់បានចាក់លើកទី១ទេ តែទៅជាចាក់លើកទី២ បញ្ហានឹងគឺអត់ប្រយោជន៍ ដូច្នេះត្រូវច្បាស់ជាមួយគ្នា ថាគាត់បានចាក់លើកទី១ ចាក់នៅកន្លែងណា ចុះឈ្មោះនៅកន្លែងណា យើងនឹងស្រាវជ្រាវបញ្ហានេះសិន។

លោកជំទាវ បញ្ជាក់ថា ប្រសិនបើយើងរកឃើញថា គាត់ពិតជាបានចាក់លើកទី១មែន ចឹងយើងនឹងសម្រួលឱ្យគាត់បានចាក់លើកទី២។ យ៉ាងណាលោកជំទាវ នៅតែអះអាងថា “ប្រសិនបើគាត់អត់ទាន់បានចាក់លើកទី១ទេ បែរជាចាក់លើកទី២ ឱ្យគាត់ អាហ្នឹងវាគ្រោះថ្នាក់ មានន័យថាគាត់ចាក់បានតែម្តង វាអត់បានគ្រប់២ដងទេ”៕

ដោយៈ ឡេង ដេត

Related Topics: