ជីវិតកម្សាន្ដ

ស្នាមញញឹមពោរពេញដោយក្តីស្រលាញ់របស់ក្រុមគ្រូពេទ្យ និងម៉ែ ផល្លា ពិតជាធ្វើឲ្យមហាជនរំភើបខ្លាំង

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

មហាជន និងអ្នកគាំទ្រពិតជាសម្តែងអារម្មណ៍រំភើបខ្លាំង នៅពេលបានឃើញរូបភាពជាច្រើនដែលបង្ហាញពីស្នាមញញឹមពោរពេញដោយក្តីស្រលាញ់របស់ក្រុមគ្រូពេទ្យនិងតារាសម្តែងជើងចាស់ម៉ែ ផល្លា ក្រោយជាសះស្បើយពីជំងឺកូវីដ-១៩។

ជាការពិត តារាសម្តែងជើងចាស់អ្នកស្រី អ៊ឹម ផល្លា ហៅម៉ែ ផល្លា បានបញ្ជាក់ប្រាប់កម្ពុជាថ្មី កាលពីរសៀលថ្ងៃទី១៩ ខែឧសភា ឆ្នាំ២០២១ថា ពេលនេះគាត់បានជាសះស្បើយពីជំងឺកូវីដ-១៩ហើយ។ចំណែកឯកូនស្រីរបស់គាត់ដែលឆ្លងកូវីដដែរនោះ កំពុងរង់ចាំលទ្ធផលសំណាក់លើកទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ែ ផល្លា បានបន្តថា អ្នកស្រីត្រូវបានក្រុមគ្រូពេទ្យចេញលិខិតបញ្ជាក់ដោយអនុញ្ញាតឲ្យចេញទៅផ្ទះហើយ នឹងត្រូវបន្តធ្វើចត្តាឡីស័ក១៤ថ្ងៃទៀត។ ប៉ុន្តែដោយសារកូនស្រីមិនទាន់ទទួលលទ្ធផលទើបគាត់សុំគ្រូពេទ្យស្នាក់នៅបន្តដើម្បីរង់ចាំចេញទៅជាមួយកូនព្រមគ្នា។

ទន្ទឹមគ្នាដែលតារាជើងចាស់ម៉ែ ផល្លា ទទួលដំណឹងល្អជាសះស្បើយពីជំងឺកូវីដ-១៩នេះ គឺគេឃើញមានមហាជនជាច្រើនចូលរួមត្រេកអរ និងអ្វីដែលកាន់តែចាប់អារម្មណ៍ទៀតនោះ គឺរូបភាពនៃស្នាមញញឹមរបស់ម៉ែ ផល្លា និងក្រុមគ្រូពេទ្យ៕

អត្ថបទ ៖ ចាន់រ៉ា