រថយន្តនីសាន់ដឹកពងទា រេចង្កូតបុករបាំងពុះទ្រូងផ្លូវ ក្រឡាប់ផ្ងារជើង

ភ្នំពេញ៖ បុរសម្នាក់បេីករថយន្តនីសាន់ដឹកពងទាក្នុងល្បឿនលឿនបានរេចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឱ្យក្រឡាប់ផ្ងារជេីងម្ខាង រងការខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង៩ និង៣០នាទីយប់ ថ្ងៃទី២២ ខែឧសភា  ឆ្នាំ២០២១ ត្រង់ចំណុចស្តុបកងរាជអាវុធហត្ថលេីផ្ទៃប្រទេស តាមបណ្ដោយផ្លូវ២៨៩ ក្នុងសង្កាត់បឹងកក់១ ខណ្ឌទួលគោក។

យោងតាមប្រភពព័ត៌មានពីកន្លែងកើតហេតុបានឱ្យដឹងថា មុនកេីតហេតុគេឃេីញរថយន្តបង្កម៉ាកនីសាន់ FRONTIER ១បាំងកន្លះ ពណ៌ទឹកប្រាក់ ពាក់ស្លាកលេខភ្នំពេញ 2AE-1712 បេីកបរដោយបុរសម្នាក់បានដឹកពងទាពេញរថយន្ត  ហេីយធ្វេីដំណេីរតាមបណ្ដោយផ្លូវ២៨៩ ទិសដៅពីជេីងមកត្បូងក្នុងល្បឿនលឿន ខណៈមកដល់ចំណុចកេីតហេតុក៏រេចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យបាក់អស់មួយកង់ ឯរថយន្តបង្កបានក្រឡាប់ផ្ងារជេីងម្ខាងចាក់ពងទាចោលពេញផ្លូវ។ ទោះជាយ៉ាងណាក្នុងករណីគ្រោះថ្នាក់ចរាចរណ៍នេះមិនបង្កឱ្យមនុស្សណាម្នាក់រងរបួសនោះឡេីយ។

ក្រោយកេីតហេតុ ម្ចាស់រថយន្តបង្កបានទាក់ទងទៅសាច់ញាតិឱ្យមកជួយដឹកពងទាយកទៅឱ្យម៉ូយ និងប្រគល់រថយន្តឱ្យទៅសមត្ថកិច្ចជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ផ្លូវគោល រាជធានីភ្នំពេញ៕

អត្ថបទ៖ ឃិត សុខា