កូវីដ-១៩

ថ្ងៃនេះ! ខេត្តកំពង់ស្ពឺ រកឃើញករណីឆ្លងកូវីដ-១៩ថ្មីចំនួន២០នាក់ និងជាសះស្បើយ ចំនួន០៧នាក់

បានផុស

៤ years មុន

នៅ

ថ្ងៃចន្ទ ២៤ ឧសភា ២០២១

ដោយ

កំពង់ស្ពឺ ៖ នៅថ្ងៃនេះ រដ្ឋបាលខេត្តកំពង់ស្ពឺ បានប្រកាសថា បានរកឃើញអ្នកឆ្លងជំងឺកូវីដ-១៩ថ្មី ចំនួន២០នាក់ និងមានអ្នកជាសះស្បើយចំនួន០៧នាក់វិញផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី២៤ ខែឧសភា ឆ្នាំ២០២១នេះ អាជ្ញាធរខេត្តកំពង់ស្ពឺ បានប្រកាសថា ក្រុមមន្ត្រីនៃមន្ទីរសុខាភរបាលខេត្តបានរកឃើញករណីជំងឺកូវីដ-១៩ ចំនួន ២០រូប បន្ថែមទៀត។ ការរកឃើញថ្មីនេះ ជាករណីឆ្លងក្នុងសហគមន៍។

លោក វ៉ី សំណាង អភិបាលខេត្តកំពង់ស្ពឺ បានអំពាវនាវដល់បងប្អូនដែលបានប៉ះពាល់ផ្ទាល់ ឬប្រយោលជាមួយ បុគ្គលខាងលើ សូមដាក់ខ្លួនអោយនៅដាច់ដោយឡែក និង ទាក់ទងទៅអាជ្ញាធរមូលដ្ឋានជាបន្ទាន់ ដើម្បីយកសំណាក់ នៅមន្ទីរពេទ្យបង្អែក។

ដោយឡែកថ្ងៃនេះដែរ ខេត្តកំពង់ស្ពឺ មានអ្នកជាសះស្បើយពីជំងឺកូវីដ-១៩ ចំនួន០៧នាក់ក្នុងចំណោមអ្នកឈឺ ៣៦៦នាក់ ។ ក្នុងករណីមានការសង្ស័យសូមប្រញាប់ផ្ដល់ព័ត៌មានមកអាជ្ញាធរឬក៏សេវាសាធារណៈរបស់រដ្ឋដែលនៅជិតបំផុត។

អាជ្ញាធរខេត្តកំពង់ស្ពឺ ក៏បានក្រើនរម្លឹកដល់បងប្អូនប្រជាពលរដ្ឋសូមមេត្តាប្រុងប្រយ័ត្នឲ្យបានខ្ពស់ជាពិសេសត្រូវអនុវត្តន៍តាមវិធានការសុខាភិបាល «៣ការពារ ៣កុំ» ជាប្រចាំ ដើម្បីជៀសផុតពីជំងឺដ៏កាចសាហាវនេះ៕

ដោយ ៖ ភួង រដ្ឋា