ព័ត៌មានអន្ដរជាតិ

សញ្ញាល្អ ឥណ្ឌាឆ្លងកូវីដប្រចាំថ្ងៃធ្លាក់ក្រោម២០ម៉ឺននាក់លើកដំបូងមួយខែចុងក្រោយ

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

រយៈពេល២៤ម៉ោងចុងក្រោយនេះ ករណីឆ្លងកូវីដ-១៩ថ្មីនៅប្រទេសឥណ្ឌាមាន ១៩៦ ៤២៧នាក់ និងករណីស្លាប់ថ្មីមានចំនួន ៣៥១១ ប្រៀបធៀបនឹងតួលេខឆ្លងកាលពីម្សិលមិញមានចំនួន ២២២ ៣១៥នាក់ និងអ្នកស្លាប់ ៤៤៥៤នាក់។

សម្រាប់ករណីឆ្លងថ្មីក្រោម២០ម៉ឺននាក់នេះគឺជាករណីឆ្លងទាបបំផុតលើកដំបូងនៅក្នុងប្រទេសឥណ្ឌាចាប់តាំងថ្ងៃទី១៤ ខែមេសាមករហូតដល់ថ្ងៃទី២៤ ខែឧសភា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរុបករណីឆ្លងកូវីដ-១៩ទាំងអស់នៅប្រទេសឥណ្ឌាឥឡូវនេះមានចំនួន ២៦.៩៦លាននាក់ ខណៈតួលេខស្លាប់ទាំងអស់ចំនួន ៣០៧ ២៣១នាក់ដែលទិន្នន័យនេះចេញដោយក្រសួងសុខាភិបាលនៅថ្ងៃអង្គារ៍នេះ។

តួលេខស្លាប់សរុបបានធ្វើឲ្យប្រទេសឥណ្ឌាស្ថិតនៅចំណាត់ថ្នាក់លេខ៣ក្នុងពិភពលោកដែលមានអ្នកស្លាប់ច្រើនបំផុត បន្ទាប់ពីលេខ១ សហរដ្ឋអាមេរិក និងលេខ២ ប្រេស៊ីល។ ការស្លាប់នៅប្រទេសឥណ្ឌាស្មើនឹង៨.៦%នៃការស្លាប់ជិត ៣.៤៧លាននាក់ជាសកើ។

ទោះបីជាការឆ្លងប្រចាំថ្ងៃធ្លាក់ចុះ ក៏ការប្រយុទ្ធប្រឆាំងរបស់ឥណ្ឌាទៅនឹងកូវីដ-១៩នៅតែកំពុងជួបផលវិបាកខ្លាំងដោយសារដំណើរការចាក់វ៉ាក់សាំងនៅយឹត ដែលបណ្តាលឲ្យប្រជាជនជាច្រើនខកខាតចាក់ ហើយជំងឺឆ្លងផ្សិតខ្មៅក៏កំពុងវាយប្រហារថែមទៀតលើអ្នកជំងឺកូវីដ-១៩៕

ប្រែសម្រួល៖ វីរបុត្រ
ប្រភព៖ Aljazeera