ព័ត៌មានជាតិ

គណៈកម្មការវត្តសារាវ័ន្តតេជោ សុំមហាជន ពុទ្ធបរិស័ទកុំយល់ច្រឡំទៀត

បានផុស

៤ years មុន

នៅ

ថ្ងៃពុធ ២៦ ឧសភា ២០២១

ដោយ

អាជ្ញាធរខណ្ឌដូនពេញបានឲ្យដឹងថា ចំនួនអ្នកឆ្លងកូវីដ១៩នៅវត្តសារាវ័ន្តតេជោ ដែលមានទីតាំងនៅផ្លូវលេខ១៩ក្នុងសង្កាត់ជ័យជំនះ ខណ្ឌដូនពេញ មានចំនួន៣២អង្គ/នាក់។

គណៈកម្មការវត្តសារាវ័ន្តតេជោ កាលពីថ្ងៃទី២៥ខែឧសភាឆ្នាំ២០២១ នេះ ក៏បានប្រគេនដំណឹង និងជូនដំណឹងដល់ព្រះករុណាគ្រប់ព្រះអង្គ ព្រមទាំងញាតិញោមពុទ្ធបរិស័ទនៅក្នុង និងក្រៅប្រទេស សូមកុំមានការយល់ច្រឡំ ឬមានព័ត៌មានដែលមិនច្បាស់លាស់ពីស្ថានភាពវត្តសារាវ័នតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលបច្ចុប្បន្នដែលកំពុងតែមានការឆ្លងជំងឺកូវីដ-១៩ គណៈកម្មការវត្តបញ្ជាក់ថា ព្រះសង្ឃ សិស្ស-និស្សិត តាជី-យាយជី សរុបមានចំនួន ៣៥១អង្គ/នាក់ ដែលពិនិត្យសំណាកទាំងអស់ បានរកឃេីញអ្នកវិជ្ជមានចំនួន ៣២អង្គ/នាក់ក្នុងនោះ ព្រះសង្ឃមានចំនួន ១៧អង្គ សិស្ស-និស្សិតមានចំនួន ១១នាក់ យាយជីមានចំនួន ៤នាក់ អ្នកមានវិជ្ជមានទាំងអស់ បានយកទៅព្យាបាលអស់ហេីយ។ ចំណែកស្ថានភាពក្នុងវត្តវិញ មិនមានការឆ្លងបន្តទៀតទេនៅពេលនេះ។

វត្តសារាវ័ន្តតេជោ ជាវត្តចំណាស់មួយមានអាយុកាលជាង ៤០០ ឆ្នាំ បានផ្ទុះការរាលដាលកូវីដ ១៩ ពាក់ព័ន្ធដល់ព្រះសង្ឃ សិស្សនិស្សិតដែលគង់និងស្នាក់នៅ។ ក្រោយមានអ្នកឆ្លងបន្តបន្ទាប់ ក្រុមគ្រូពេទ្យបានធ្វើតេស្តសំណាកដល់ព្រះសង្ឃ និងអ្នកនៅក្នុងវត្តទាំងអស់។

អនុគណៈកម្មការស្រាវជ្រាវកូវីដ ១៩ បានអំពាវសូមអំពាវនាវដល់ប្រជាពលរដ្ឋ ព្រះសង្ឃ សិស្សនិស្សិត ដែលបានទៅវត្តសារាវ័នតេជោ ជាពិសេសបានចេញចូលជាញឹកញាប់ សូមតាមដានសុខភាពនិងបើសង្ស័យ ត្រូវប្រញាប់ទៅធ្វើតេស្តជាបន្ទាន់៕

អត្ថបទ៖ រស្មី

Related Topics:វត្តអារាម