កូវីដ-១៩

ពលរដ្ឋចាក់វ៉ាក់សាំងកូវីសែលដូសទី១ត្រូវរួសរាន់ទៅចាក់ដូសទី២ ឲ្យបានមុនថ្ងៃទី២០ខែមិថុនាខាងមុខ

បានផុស

៤ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ភ្នំពេញ ៖ គណៈកម្មការចំពោះកិច្ចចាក់វ៉ាក់សាំងជំងឺកូវីដ ១៩ដែលហៅកាត់ថា(គ.វ.ក ១៩) បានណែនាំដល់ប្រជាពលរដ្ឋដែលបានចាក់វ៉ាក់សាំងកូវីសែលដូសទី១រួចហើយត្រូវប្រញាប់រួនរាន់ទៅចាក់ដូសទី២ឲ្យបានមុនថ្ងៃទី២០ខែមិថុនាជាកំហិត។

លោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងជំងឺកូវីដ១៩បានឲ្យដឹងនៅក្នុង សេចក្តីជួនដំណឹងចុះថ្ងៃទី២៧ខែឧសភាថា ដើម្បីឱ្យសេរីរាង្គយើងអាចបង្កើតបាននូវភាពស៊ាំប្រកបដោយប្រសិទ្ធភាពខ្ពស់ប្រឆាំងនឹងការឆ្លងរាលដាលនៃជំងឺ ១៩ចំបាច់ត្រូវចាក់វ៉ាក់សាំងកូវីសែលចំនួន២លើកគឺចាំបាច់ក្នុងអំឡុងពេលពី៨ទៅ ១២សប្តាហ៍បន្ទាប់ពីការចាក់វ៉ាក់សាំងដូវីសែលដូសទី១រួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត បាន បន្តថា «អាស្រ័យដូចបានជម្រាបខាងលើនេះ គ.វ.ក ១៩ សូម សូមក្រើនរំលឹកដល់ប្រជាពលរដ្ឋបានចាក់វ៉ាក់សាំងកូវីដសែលដូសទី១ទាំងអស់ដែលមិនទាន់បានចាក់វ៉ាក់សាំងកូវីសែលដូសទី២សូមរួសរាន់ទៅចាក់វ៉ាក់សាំងកូវីសែលដូសទី២ឲ្យបានគ្រប់គ្នានៅតាមទីតាំងដែលបានចាក់វ៉ាក់សាំងនេះដូសទី១ កន្លងមកតាមពេលវេលាដែលបានកំណត់ក្នុងដំណឹងឲ្យបានជាកំហិតនៅត្រឹមថ្ងៃទី២០ខែមិថុនាឆ្នាំ២០២១»។

លោកស្រី វេជ្ជបណ្ឌិត បានក្រើនរំលឹកថា ទោះបីជាបុគ្គលម្នាក់ៗ បានទទួលវ៉ាក់សាំងកូវីដ ១៩ រួចហើយក្តីក៏ត្រូវតែបន្តអនុវត្តវិធានការការពារដែលបានដាក់ចេញឲ្យអនុវត្តតាំងពីថ្ងៃទី១៤ ខែធ្នូឆ្នាំ ២០២០ដោយប្រមុខរដ្ឋាភិបាលកម្ពុជាគឺ៣ការពារនិង៣កុំដើម្បីចូលរួមទប់ស្កាត់ការចម្លងវីរុសកូវីដ ១៩នៅក្នុងសហគមន៍ក៏ដូចជានៅក្នុងប្រទេសកម្ពុជា។

គួរបញ្ជាក់ថា វ៉ាក់សាំងកូវីសែលរបស់ក្រុមហ៊ុនអាស្ត្រាហ្រេនីកាចំនួន៣២៤០០០ដូសជាជំនួយរបស់អង្គការសុខភាពពិភពលោក តាមរយៈយន្តការកូវ៉ាក់ បានដឹកមកដល់ប្រទេសកម្ពុជានៅថ្ងៃទី២ខែមីនាឆ្នាំ២០២១ដោយចាក់ទៅលើក្រុមមនុស្សចាប់ពីអាយុ៦០ឆ្នាំឡើងទៅក្នុងនោះសម្តេចតេជោហ៊ុនសែន ក៏បានចាក់វ៉ាក់សាំងនេះផងដែរនៅថ្ងៃទី០៤ខែមីនឆ្នាំ២០២១នៅមន្ទីរពេទ្យកាល់ម៉ែត៕

ដោយ ៖ សំអឿន