នយោបាយ
គ.ជ.ប កំណត់យកថ្ងៃទី២០ ខែមិថុនា ដើម្បីបោះឆ្នោតសាកល្បងជ្រើសរើសក្រុមប្រឹក្សា ឃុំ សង្កាត់
លោក ឌឹម សុវណ្ណារុំ សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោតបានថ្លែងថា គណៈកម្មាធិការជាតិរៀបចំការបោះឆ្នោត (គ.ជ.ប) បានកំណត់យកថ្ងៃទី២០ ខែមិថុនា ឆ្នាំ២០២១ ខាងមុខ ដើម្បីបោះឆ្នោតសាកល្បងជ្រើសរើសក្រុមប្រឹក្សា ឃុំ សង្កាត់ ហើយពេលវេលានេះ នឹងមិនលើកទៀតទេ ដោយសាតែកាលវិភាគបានពេញអស់ទៅហើយ។
ការបញ្ជាក់របស់លោក ឌឹម សុវណ្ណារុំ បានធ្វើឡើងនៅក្នុងកិច្ចពិគ្រោះយោបល់តាមអនឡាញ ស្ដីពីការបោះឆ្នោតសាកល្បងជ្រើសរើសក្រុមប្រឹក្សា ឃុំ សង្កាត់ នៅព្រឹកថ្ងៃសុក្រ ទី២៨ ខែឧសភា ឆ្នាំ២០២១ នេះ។
បើតាមលោក ឌឹម សុវណ្ណារុំ រហូតមកដល់ពេលនេះ មិនទាន់មានប្រទេសណាមួយធ្វើការបោះឆ្នោតតាមប្រព័ន្ធអនឡាញនៅឡើយទេ ដូច្នេះយើងប្រើប្រាស់ IT ដើម្បីជំនួយដល់ការបោះឆ្នោតតែប៉ុណ្ណោះ ហើយរាល់នីតិវិធីនៃការបោះឆ្នោត គឺនៅដដែលទាំងអស់ គ្រាន់តែយកជំនួយពី IT តែប៉ុណ្ណោះ ដូចជាការចុះបញ្ជីគណបក្សនយោបាយ ការបញ្ជូនលទ្ធផលជាដើម។ លោកបន្តថា ការយក IT ជាជំនួយនេះ ក៏គិតពីសុវត្ថិភាពដែរ ដែលគោលបំណងរបស់ គ.ជ.ប គឺធ្វើយ៉ាងណាឲ្យមានការជឿជាក់ពីម្ចាស់ឆ្នោត។
លោក ឌឹម សុវណ្ណារុំ អះអាងថា គ.ជ.ប នៅមានការងារជាច្រើនទៀត ដែលត្រូវធ្វើ ដូចជាការបណ្ដុះបណ្ដាលគណបក្សនយោបាយ អង្គការមិនមែនរដ្ឋាភិបាល និងលេខាធិការដ្ឋានរៀបចំការបោះឆ្នោតដើម ហើយការងារនេះ នឹងចាប់ផ្ដើមនៅដើមខែមិថុនាខាងមុខ។ ក្រៅពីនោះ នៅមានការបណ្ដុះបណ្ដាលក្រុមប្រឹក្សាឃុំ សង្កាត់ ។ បន្ទាប់មកនៅថ្ងៃទី០៩ ខែមិថុនា ខាងមុខនឹងធ្វើការចុះឈ្មោះ ធ្វើការបោះឆ្នោតសាកល្បងនៅក្រុមប្រឹក្សា ឃុំ សង្កាត់ ។ ដូច្នេះតំណាងគណបក្សនយោបាយ អង្គការសង្គមស៊ីវិល និងអ្នកពាក់ព័ន្ធទាំងអស់អាចចូលរួមបាន ហើយដំណើរការនេះ នឹងប្រព្រឹត្តទៅទាំងពីរ គឺធ្វើទាំង IT ទាំងការចុះឈ្មោះធម្មតា។
លោក ឌឹម សុវណ្ណារុំ បានបញ្ជាក់ដែរថា ការបោះឆ្នោតសាកល្បងនេះ នឹងប្រព្រឹត្តទៅនៅថ្ងៃទី ២០ ខែមិថុនា ឆ្នាំ២០២១ ខាងមុខ ហើយពេលវេលានេះ នឹងមិនមែនការលើកទៅទៀតទេ។ ដោយសារតែកម្មវិធីពេញទៅហើយ មិនមានពេលសម្រាប់លើកទៀតទេ។
លោកបន្តថា បន្ទាប់ពីការបោះឆ្នោតសាកល្បងនេះ គឺដល់ពេលបោះឆ្នោតក្រុមប្រឹក្សាក្រុងបូកគោតែម្ដង ដែលប្រព្រឹត្តទៅថ្ងៃទី២៥ ខែកក្កដា ឆ្នាំ២០២១ ហើយបន្ទាប់មក គឺការធ្វើបច្ចុប្បន្នភាពបញ្ជីបោះឆ្នោតប្រចាំឆ្នាំ ដោយចាប់ផ្ដើមពីខែកញ្ញា។ បន្ទាប់មកទៀត គឺត្រូវបោះឆ្នោតក្រុមប្រឹក្សា ឃុំ សង្កាត់ គឺនៅថ្ងៃទី០៥ ខែមិថុនា ឆ្នាំ២០២២។ ចប់ការបោះឆ្នោតឃុំ សង្កាត់ នេះ នឹងបន្តមកដល់ការបោះឆ្នោតជ្រើសរើសតំណាងរាស្ត្រទៀត។
ចំណែកលោក សោម សូរីដា បានបញ្ជាក់ថា ការបោះឆ្នោតសាកល្បងនេះ មិនមែនជាការស្វែងរកសម្លេងឆ្នោតរបស់គណបក្សនយោបាយនោះទេ គឺជាការចូលរួមមួយ ក្នុងនាមជាអ្នកសង្កេតការណ៍ មិនមែនជាអ្នកចុះបញ្ជីគណបក្សនយោបាយចូលរួមប្រកួតប្រជែងនោះទេ។
បើតាមលោក សោម សូរីដា គោលបំណង នៃការបោះឆ្នោតសាកល្បងនេះ គឺមាន៤សំខាន់ចំណុច គឺទី១, ការសាកល្បងកម្មវិធី គឺការចុះបញ្ជីបេក្ខជនគណបក្សនយោបាយឈរឈ្មោះបោះឆ្នោតតាមប្រព័ន្ធឌីជីថល ទី២, ការការពារការចម្លងការរីករាលដាលនៃជំងឺ covid-19 នៅការិយាល័យបោះឆ្នោត ទី៣, ដើម្បីពិនិត្យប្រសិទ្ធភាពនៃការប្រើត្រាសញ្ញាគំនូសគាំទ្រលើគណបក្សនយោបាយជំនួសឲ្យការប្រើប៊ិច និងទី៤, ការសាកល្បងត្រួត ពិនិត្យ បូកសរុបលទ្ធផលនៃការបោះឆ្នោត៕
ដោយ ៖ កោះកែវ
ក្រុមហ៊ុនRipple Inc ចាប់អារម្មណ៍ក្នុងការផលិតបន្ទះសូឡានៅកម្ពុជា សម្រាប់នាំចេញទៅកាន់សហរដ្ឋអាមេរិក
រកឃើញហើយជើងខ្លាំងខាងខ្លែងខ្មែរ! ផ្នែកខ្លែងឯក លេខ១បានទៅមន្ទីរវប្បធម៌ខេត្តកណ្តាល លេខ២ បានទៅស្រុកបន្ទាយស្រី
អភិបាលក្រុងបាវិត ណែនាំឱ្យអាជ្ញាធរត្រូវតែបង្ក្រាបឱ្យបានក្មេងទំនើងដែលអុកឡុកនៅមូលដ្ឋានរំខានដល់ប្រជាពលរដ្ឋ
ឆ្នាំនេះ អាជ្ញាធរស្រុកស្រែអំបិល កសាងផ្លូវបេតុងចំនួន៨ខ្សែ ស្មើនឹងប្រវែង៦គីឡូម៉ែត្រជូនពលរដ្ឋ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
-
សន្តិសុខសង្គម៦ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៧ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ២៣ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៥ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៦ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៧ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ១ សប្តាហ៍ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ១ សប្តាហ៍ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល