ថៃ កំពុងសិក្សាយកឈាមសត្វត្រកួត ទៅព្យាបាលកូវីដ និងជំងឺមហារីក

ក្រុមអ្នកស្រាវជ្រាវនៅសកលវិទ្យាល័យកំពូលមួយ ក្នុងប្រទេសថៃ កំពុងធ្វើការសិក្សាដើម្បីរកមើលថា តើឈាមពីសត្វត្រកួត អាចត្រូវបានប្រើដើម្បីប្រយុទ្ធប្រឆាំងនឹងជំងឺមហារីក និងកូវីដ-១៩ បានដែរឬអត់។

ត្រកួត ជាពពួកសត្វ ដែលមានប្រព័ន្ធភាពស៊ាំដ៏មានឥទ្ធិពល អាចរស់នៅក្នុងទឹកកខ្វក់ និងស៊ីសាច់រលួយ ដូច្នេះក្រុមអ្នកស្រាវជ្រាវជឿថា ប្រូតេអ៊ីនក្នុងខ្លួនសត្វល្មូននេះ អាចរារាំងការលូតលាស់កោសិកាមហារីក និងបាក់តេរីមួយចំនួន។ ពួកគេ ក៏ប៉ាន់ស្មានទៀតថា ឈាមរបស់ត្រកួត អាចយកឈ្នះវីរុសនានា រួមទាំងកូវីដ-១៩ ផងដែរ បើទោះបីជា​ គេមិនទាន់ដឹងច្បាស់ក៏ដោយ។ ពួកគេរំពឹងថា នឹងបញ្ចប់ការសិក្សាដំបូងរបស់ពួកគេលើឈាមសត្វត្រកួត នៅត្រឹមចុងឆ្នាំ២០២១៕

ប្រែសម្រួល៖ Vann Vann

ប្រភព៖ Mirror