ព័ត៌មានជាតិ

គ្រប់ទីកន្លែងចំពោះជនមានពិការភាព ទទួលបានការយកចិត្តទុកដាក់និងបង្កលក្ខណៈងាយបំផុត ក្នុងការចាក់វ៉ាក់សាំង

បានផុស

៤ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

លោក យៀប ម៉ាលីណូ ប្រធាននាយកដ្ឋានសុខុមាលភាពជនពិការ នៃក្រសួងសង្គមកិច្ចអតីតយុទ្ធជននិងយុវនីតិសម្បទា បានថ្លែងមុននេះថា គ្រប់ទីកន្លែងទាំងអស់ពិសេសរាជធានីនិងខេត្តកណ្តាល ចំពោះជនមានពិការភាពទទួលបានការយកចិត្តទុកដាក់និងបង្កលក្ខណៈងាយបំផុតពីរាជរដ្ឋាភិបាល ក្នុងការចាក់វ៉ាក់សាំងសម្រាប់ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យៀប ម៉ាលីណូ ថ្លែងបែបនេះខណៈដឹកនាំក្រុមការងាររបស់នាយកដ្ឋានសុខុមាលភាពជនពិការ និងមន្ទីរសង្គមកិច្ចរាធានីភ្នំពេញ ចុះជួយសម្របសម្រួលក្នុងការចាក់វ៉ាក់សាំងជូនជនមានពិការភាពក្នុងរាជធានីភ្នំពេញលើកទី២ម្សិលមិញនេះនៅមណ្ឌលចាក់វ៉ាក់សាំង សាលាបឋមសិក្សារសំបួរមាស ដែលស្ថិតក្នុងខណ្ឌដង្កោរ។

ក្នុងនោះផងដែល លោកប្រធាននាយកដ្ឋានក៏បានណែនាំដល់បងប្ឣូនជនមានពិការភាព ក្នុងការការពារអនាម័យ និងការក្សាសុវត្ថិភាពតាមការណែនាំរបស់ក្រសួងសុខាភិបាល ពិសេសវិធាន ៣កុំ៣ការពារតែម្ដង។ នាឪកាសនេះដែរ លោកក៏បានធ្វើការចែកជូននូវម៉ាស និងឣាល់កុលមួយចំនួនជូនពួកគាត់ ដើម្បីប្រើការពារនៅពេលចាក់វ៉ាក់សាំងផងដែរ៕

អត្ថបទ៖ វិមាន

Related Topics:ជនពិការ