ព័ត៌មានអន្ដរជាតិ
វិបត្តិកូវីដមហាវេទនា ពលរដ្ឋឥណ្ឌាក្រីក្ររាប់រយលាននាក់ជួបទុក្ខធំបន្ថែមទៀត
ស្ត្រីឈ្មោះ Rasheeda Jaleel រស់នៅដោយភាពភ័យខ្លាចដែលមិនអាចផ្គត់ផ្គង់ចំណីអាហារគ្រប់គ្រាន់ដល់កូនទាំង៧នាក់របស់គាត់ដែលស្ថិតក្នុងចំណោមពលរដ្ឋឥណ្ឌារាប់លាននាក់បានកំពុងធ្លាក់ចូលក្នុងភាពក្រីក្រដោយសារវិបត្តិកូវីដ-១៩។
ស្ត្រីវ័យ៤០ឆ្នាំ និងស្វាមីឈ្មោះ Abdul Jaleel អាយុ៦៥ឆ្នាំ ព្រមទាំងកូនទាំងអស់កំពុងរស់នៅខ្វះអាហារទទួលទានដោយថ្ងៃខ្លះមានតែមួយពេលប៉ុណ្ណោះ។
អ្នកស្រី Jaleel បាននិយាយថា ៖«ពេលយើងអត់ឃ្លាន ខ្ញុំមានអារម្មណ៍គ្មានអ្វីទីពឹង និងបារម្ភខ្លាំង។ តើយើងរស់បានដោយរបៀបណា? យើងធ្វើអ្វីៗឲ្យតែបានលុយទិញចំណីអាហារ។ បើគ្មានអាហារគ្រប់ ខ្ញុំសុខចិត្តអត់ញាំដើម្បីឲ្យកូនបានញាំ»។
កូវីដ-១៩បានសម្លាប់ពលរដ្ឋឥណ្ឌា១៦០ ០០០នៅក្នុងរយៈពេល៨សប្តាហ៍ មន្ទីរពេទ្យពោរពេញដោយអ្នកជំងឺ និងអាជីវកម្មជាច្រើនបានបិទទ្វារ។ ក្រុមអ្នកជំនាញព្រមានថា វិបត្តិបន្ថែមទៀតកំពុងកើនមានឡើងគឺកម្រិតនៃភាពអត់ឃ្លានក្នុងចំណោមពលរដ្ឋឥណ្ឌាក្រីក្រដែលបានជួបវេទនារួចហើយពាក់ព័ន្ធនឹងការបំរាមកាលពីឆ្នាំមុន។
លោក Anjali Bhardwaj មកពីអង្គការសិទ្ធិទទួលបានចំណីអាហារបាននិយាយថា ៖«វាជាវិបត្តិទ្វេដងដែលប្រជាជនក្រីក្រក្នុងប្រទេសកំពុងរងទុក្ខ នោះគឺវិបត្តិសុខភាព និងវិបត្តិសេដ្ឋកិច្ច។ យើងមានវិបត្តិសុខភាពធ្ងន់ធ្ងរហើយ ហើយមនុស្សជាច្រើនបានចំណាយប្រាក់ដើម្បីព្យាបាល»។
យោងតាមការសិក្សារបស់សាកលវិទ្យាល័យ Bangalore’s Azim Premji បានបង្ហាញថា ប្រជាជនឥណ្ឌាប្រហែលជា២៣០លាននាក់បានធ្លាក់ចូលក្នុងភាពក្រីក្រ ដែលជីវិតរស់នៅពឹងផ្អែកលើប្រាក់ប្រហែលជា៥ដុល្លារប៉ុណ្ណោះក្នុងមួយថ្ងៃ នៅក្នុងឆ្នាំដំបូងនៃការរាតត្បាតកូវីដ-១៩។
គ្មានជម្រើស
ការងារជាង៧.៣លានកន្លែងត្រូវបានបាត់បង់គ្រាន់តែក្នុងខែមេសា។ នេះបើយោងតាមមជ្ឈមណ្ឌលឃ្លាំមើលសេដ្ឋកិច្ចឥណ្ឌា។ ប្រការនេះមានន័យថា កាន់តែទុក្ខលំបាកខ្លាំងឡើងនៅក្នុងប្រទេសមួយដែលជាកន្លែងមាន៩០%ជាការងារក្រៅប្រព័ន្ធដែលមិនមានបណ្តាញសុវត្ថិភាពសង្គម និងជាកន្លែងដែលមនុស្សរាប់លាននាក់មិនមានលក្ខណៈសម្បត្តិគ្រប់គ្រាន់សម្រាប់របបអាហារបន្ទាន់របស់រដ្ឋាភិបាល។
សាស្ត្រាចារ្យនៅសាកលវិទ្យាល័យមួយ លោក Amit Basole បានឲ្យដឹងថា ៖«មនុស្សច្រើនណាស់បានធ្លាក់ចូលក្នុងភាពក្រីក្រ ពួកគេជាប់បំណុល ហើយពួកគេត្រូវកាត់បន្ថយការប្រើប្រាស់ចំណីអាហារ។ ការផ្ទុះកូវីដ-១៩លើកទី២បានក្លាយជាឥទ្ធិពលឈានមុខគេធ្វើឲ្យមនុស្សកើតស្ត្រេសខ្លាំង»។
គ្មានទីពឹង និងអត់ឃ្លាន
ការសិក្សានៅសាកលវិទ្យាល័យរបស់ Azim Premji បានបង្ហាញថា ការដាក់បំរាមកាលពីឆ្នាំមុន ប្រជាជនប្រហែលជា១០០លាននាក់បានបាត់បង់ការងារធ្វើនៅប្រទេសឥណ្ឌា។ បន្ទាប់ពីបំរាមត្រូវបានបញ្ចប់ មនុស្សប្រហែលជា១៥%មិនអាចស្វែងរកការងារធ្វើបាននៅបំណាច់ឆ្នាំ២០២០។
មនុស្សជាច្រើនដែលវិលត្រឡប់ទៅធ្វើការវិញដោយទទួលបានប្រាក់ចំណូលទាប ពួកគេបានប្រឈមនឹងវីរុសរលកទី២។
លោក Bhardwaj បាននិយាយថា ទន្ទឹមជាមួយគ្នានេះ ប្រជាជនឥណ្ឌាប្រហែលជា១០០លាននាក់មិនមានប័ណ្ណទទួលបានរបបអាហារពីរដ្ឋាភិបាល។
អង្គការសិទ្ធិទទួលបានចំណីអាហារបានកំពុងធ្វើយុទ្ធនាការណ៍សម្រាប់ការផ្គត់ផ្គង់ចំណីអាហារបន្ទាន់ដល់អ្នកខ្វះខាត បើទោះបីជាពួកគេមិនមានប័ណ្ណក៏ដោយ។
អ្នកជំនាញបានព្រមានថា មនុស្សជាច្រើននឹងនៅតែជួបទុក្ខវេទនាដដែល បើទោះជាបំរាមត្រូវបានបញ្ចប់ក៏ដោយ។
លោក Basole បាននិយាយថា ៖«ការភ័យខ្លាចគឺយើងជាប់គាំងនឹងវិបត្តិសេដ្ឋកិច្ចយូរអង្វែងដែលជាកន្លែងមានតម្រូវការសរុបទាប ពីព្រោះការងារ និងប្រាក់ចំណូលរបស់ប្រជាជនមិនត្រឡប់ដូចដើមវិញ។ ដោយសារគ្មានការងារដូចដើមនេះហើយធ្វើឲ្យជួបវិបត្តិបន្ថែមមួយកម្រិតទៀត»៕
ប្រែសម្រួល៖ វីរបុត្រ
ប្រភព៖ CNA
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់