ជីវិតកម្សាន្ដ

អ្នកសិល្បៈជាច្រើនរន្ធត់ចិត្តពេលទទួលដំណឹងមរណភាពលោកគ្រូ ស៊ុំ សារឿន

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

គេសង្កេតឃើញទស្សនិកជន និងអ្នកសិល្ប:ល្បីៗជាច្រើនសម្តែងអារម្មណ៍រន្ធត់ចិត្តខ្លាំងបន្ទាប់ពីទទួលដំណឹងថា លោកគ្រូ ស៊ុំ សារឿន ដែលជាកវីនិពន្ធបទចម្រៀងបែបមនោសញ្ចេតនា លន្លង់លន្លោច បានទទួលមរណភាពកាលពីព្រឹកមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីតារាចម្រៀងប្រុស-ស្រីល្បីៗជាច្រើនក៏មានអ្នកសិល្ប:ជំនាន់ក្រោយ ដែលជាកូនសិស្សរបស់លោកគ្រូ ស៊ុំ សារឿន បានបង្ហាញការសោកស្តាយ និងរំលែកទុក្ខដ៏ក្រៀមក្រំនេះផងដែរ។ម្យ៉ាងទៀតមរណភាពរបស់លោកគ្រូ ស៊ុំ សារឿន គឺជាការបាត់បង់ធនធានមនុស្សដ៏សំខាន់នៅលើវិស័យសិល្បៈខ្មែរ។

លោក ស៊ុំ សារឿន គឺជាអ្នកនិពន្ធជើងចាស់មួយរូប ដែលតែងនិពន្ធទំនុកច្រៀងប្រភេទបទបែបលន្លង់ លន្លោចមិនតិចបទទេសម្រាប់តារាចម្រៀងប្រុសស្រីល្បីៗ នៅផលិតកម្មហង្សមាស លើសពីនេះលោកក៏ជាគ្រូបង្វឹកក្នុងកម្មវិធី Cambodia Idol ផងដែរ។

បើតាមប្រភពពីក្រុមគ្រួសាររបស់លោកបានឲ្យដឹងថាលោកគ្រូ ស៊ុំ សារឿន ទទួលមរណភាពវេលាម៉ោង១១និង២០នាទីព្រឹក ថ្ងៃទី៣១ ខែឧសភាឆ្នាំ២០២១នេះ ក្នុងជន្មាយុ៦៩ឆ្នាំ ដោយរោគាពាធ៕

អត្ថបទ ៖ ចាន់រ៉ា