ព័ត៌មានអន្ដរជាតិ
ភ័យខ្លាចគ្រោះមហន្តរាយបរិស្ថាន ពីការលិចនាវាធ្លាយជាតិគីមីរាប់រយតោននៅស្រីលង្កា
នាវាដឹកទំនិញផ្ទុកសារធាតុគីមីបានលិចនៅសមុទ្រប្រទេសស្រីលង្កាដែលកំពុងធ្វើឲ្យកើតមានបារម្ភយ៉ាងខ្លាំងចំពោះគ្រោះមហន្តរាយបរិស្ថាន។
នាវាដែលចុះបញ្ជីប្រទេសសិង្ហបុរី X-Press Pearl ត្រូវបានអគ្គីភ័យឆេះរយៈពេលជិតពីរសប្តាហ៍មុនពេលអគ្គីភ័យត្រូវបានពន្លត់ទាំងស្រុងនៅក្នុងសប្តាហ៍នេះ។
ប្រេងរាប់រយតោនពីធុងឥន្ធនៈបានលេចធ្លាយចូលទៅក្នុងសមុទ្រដែលនឹងបំផ្លាញជីវិតសត្វសមុទ្រនៅជុំវិញនោះ។
កងទ័ពជើងទឹកស្រីលង្កា និងឥណ្ឌាបានធ្វើការរួមគ្នាអស់ពេលជាច្រើនថ្ងៃដើម្បីរំលត់អគ្គីភ័យ និងការពារនាវាមិនឲ្យបែក និងលេចធ្លាយ។ ប៉ុន្តែស្ថានភាពសមុទ្រអាក្រក់បានរារាំងដល់ប្រតិបត្តិការសង្គ្រោះនោះ ដោយគ្រាន់តែអាចនៅខាងក្រៅកំពង់ផែន Colombo ប៉ុណ្ណោះ។
ប្រធានអ្នកនាំពាក្យកងទ័ពជើងទឹកស្រីលង្កា លោក Indika Silva បានឲ្យដឹងថា ៖«ក្រុមការងារជួយសង្គ្រោះបានទាញនាវាចូលទៅក្នុងដែនសមុទ្រដែលមានទឹកជ្រៅ មុនពេលវាបានលិចចូលក្នុងទឹកដើម្បីកាត់បន្ថយការបំពុលសមុទ្រ ប៉ុន្តែផ្នែកខាងក្រោយនាវាបានបាក់បែកដាច់»។
អ្នកជំនាញបរិស្ថានអ្នកស្រី Ajantha Perera បាននិយាយថា ៖«ការលិចនេះបានបង្កគ្រោះថ្នាក់បរិស្ថានដ៏អាក្រក់បំផុត»។
អ្នកស្រីនិយាយថា ៖«ជាមួយនឹងទំនិញគ្រោះថ្នាក់ទាំងអស់នោះ ទឹកអាស៊ីតនីទ្រីក និងសម្ភារៈផ្សេងៗទាំងអស់ ហើយប្រេងក្នុងនាវា ប្រសិនបើវាលេចធ្លាយចេញ វានឹងបំផ្លាញបាតសមុទ្រទាំងមូល»។
អ្នកស្រី Perera មានប្រសាសន៍ថា អ្នកជំនាញមុជទឹកគួរតែត្រូវបានបញ្ជូនទៅផ្នែកបាតនាវាដើម្បីពិនិត្យមើល មុនពេលវាលេចចេញ។ បញ្ហាបរិស្ថាននឹងនៅតែស្ថិតក្នុងដែនទឹកយើងឥឡូវនេះ»។
សមុទ្រលាតសន្ធឹងនៅទីក្រុង Negombo ដែលជាកន្លែងមានឆ្នេរខ្សាច់ល្អបំផុតរបស់ប្រទេសស្រីលង្កាត្រូវបានគេមើលឃើញការបំពុលប្រេង និងកំទេចកំទីរយៈពេលប៉ុន្មានថ្ងៃហើយ។
ទន្ទឹមជាមួយគ្នានេះ រដ្ឋមន្ត្រីនេសាទបាននិយាយថា វិធានការបន្ទាន់ត្រូវបានធ្វើឡើងដើម្បីការពារដែនសមុទ្រ Negombo និងតំបន់ជុំវិញនោះ ហើយនេសាទទាំងអស់ពី Panadura ដល់ Negombo ត្រូវបានផ្អាក។
ប្រធានសហជីពនេសាទតំបន់ លោក Joshua Anthony បានព្រមានថា ការលិចនាវានេះអាចជា«គ្រោះស្លាប់មួយ»សម្រាប់ឧស្សាហកម្មនេះ។
មន្ត្រីស្រីលង្កាជឿថា អគ្គីភ័យបានកើតឡើងបណ្តាលមកពីការលេចអាស៊ីតនីទ្រីក ដែលក្រុមនាវិកបានដឹងតាំងពីថ្ងៃទី១១ ខែឧសភា។ នាវាបានកំពុងដឹកអាស៊ីត corrosive ចំនួន២៥តោនដែលវាអាចត្រូវបានប្រើក្នុងការផលិតជី និងរំសេវផ្ទុះ។
តាមពិតទៅ ប្រទេសស្រីលង្កាបានអនុញ្ញានាវានេះចូលដែនសមុទ្ររបស់ខ្លួន បន្ទាប់ពីវាត្រូវបានប្រទេសពីរបដិសេធដែលបណ្តាលឲ្យមានការខឹងសម្បាពីសាធារណៈ។
នាវាដែលដាក់ទង់ជាតិសិង្ហបុរីបានចូលទៅកំពង់ផែន Colombo ដែលតាមសេចក្តីរាយការណ៍ដំបូងថា អគ្គីភ័យបានឆេះនៅផ្នែកខាងលើបណ្តាលមកពីការលេចជាតិគីមីចេញពីធុងណាមួយនៅក្នុងនាវា។
នាវាប្រវែង១៨៦ម៉ែត្របានចេញពីកំពង់ផែនឥណ្ឌា Hazira កាលពីថ្ងៃទី១៥ ខែឧសភាដោយបានផ្ទុកចំនួន ១៤៨៦កុងតឺន័រមានដូចជា ទឹកអាស៊ីតនីទ្រីក ទំនិញគីមី និងគ្រឿងសំអាងជាដើម៕
ប្រែសម្រួល៖ វីរបុត្រ
ប្រភព៖ BBC
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់