ព័ត៌មានជាតិ

ខេត្តព្រៃវែងរកឃើញករណីឆ្លងជំងឺកូវីដចំនួន៣៦នាក់បន្ថែម ធ្វើឲ្យខេត្តមានអ្នកជំងឺសរុបជាង៦០០នាក់

បានផុស

៤ years មុន

នៅ

ថ្ងៃអាទិត្យ ៦ មិថុនា ២០២១

ដោយ

យោងតាមការធ្វើតេស្តរហ័ស (Rapid Test) នៅថ្ងៃទី៥ ខែមិថុនា ឆ្នាំ២០២១ រដ្ឋបាលខេត្តព្រៃវែង បានរកឃើញករណីអ្នកវិជ្ជមានកូវីដ-១៩ ចំនួន៣៦នាក់បន្ថែមទៀត នៅមូលដ្ឋានក្រុង-ស្រុកចំនួន៩ នៃខេត្តព្រៃវែង ធ្វើឲ្យខេត្តមានអ្នកជំងឺសរុប៦៤៩នាក់។

រដ្ឋបាលខេត្តបានបញ្ជាក់ថា ចំនួនអ្នកឆ្លងទាំង៩ ក្រុង -ស្រុក នេះមាន ក្រុងព្រៃវែង ចំនួន៤នាក់ ស្រុកព្រះស្ដេច ចំនួន៩នាក់ ស្រុកបាភ្នំ ចំនួន៣នាក់ ស្រុកពោធិ៍រៀង ចំនួន១នាក់ ស្រុកស្វាយអន្ទរ ចំនួន៨នាក់ ស្រុកមេសាង ចំនួន១នាក់ ស្រុកពាមរក៍ ចំនួន១នាក់ ស្រុកពាមជរ ចំនួន៦នាក់ ស្រុកពារាំង ចំនួន៣នាក់។

រដ្ឋាបាលខេត្តបញ្ជាក់ថា អ្នកវិជ្ជមានជំងឺកូវីដ-១៩ ទាំង៣៦នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុករបស់ពួកគេនីមួយៗ។

គិតត្រឹមថ្ងៃទី៥ ខែមិថុនា ឆ្នាំ២០២១ ខេត្តព្រៃវែងមានអ្នកជំងឺកូវីដ-១៩ សរុប៦៤៩នាក់ ព្យាបាលជាសះស្បើយចំនួន២៥៣នាក់ កំពុងសម្រាកព្យាបាលចំនួន៣៨៩នាក់ និងស្លាប់ចំនួន៧នាក់ ៕

អត្ថបទ ៖ សុខុម