ព័ត៌មានអន្ដរជាតិ

ជនបរទេសនៅថៃឥឡូវអាចចុះឈ្មោះចាក់វ៉ាក់សាំងកូវីដ-១៩បានហើយ

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

នៅរសៀលថ្ងៃចន្ទម្សិលមិញ វេបសាយក្រសួងសុខាភិបាលថៃមួយបានចាប់ផ្តើមបើកឲ្យជនបរទេសដែលកំពុងស្ថិតនៅក្នុងប្រទេសថៃអាចចុះឈ្មោះដើម្បីចាក់វ៉ាក់សាំងការពារកូវីដ-១៩បានហើយ។

វេបសាយរបស់ក្រសួងសុខាភិបាលជាភាសាអង់គ្លេសទើបកែសម្រួលថ្មីដែលជនបរទេសទាំងអស់នៅប្រទេសថៃអាចចូលតាមរយៈ wwww.thailandintervac.com. ដើម្បីចុះឈ្មោះបាន។ វេបសាយនេះពីមុនត្រូវបានប្រើសម្រាប់មន្ត្រីទូបរទេសប្រចាំប្រទេសថៃចុះឈ្មោះដើម្បីចាក់វ៉ាក់សាំងការពារកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរងកិច្ចការបរទេស លោក Natapanu Nopakun បាននិយាយកំឡុងពេលធ្វើសន្និសីទកាសែតប្រចាំថ្ងៃនៅមជ្ឈមណ្ឌលគ្រប់គ្រងស្ថានភាពកូវីដ-១៩ថា ជនបរទេសទាំងអស់ត្រូវតែចុះឈ្មោះដើម្បីធ្វើការណាត់ពេលវេលាចាក់វ៉ាក់សាំងឲ្យពីរសប្តាហ៍មុន។

ទោះបីជាយ៉ាងណា សម្រាប់ការចុះឈ្មោះដំបូងនេះបើកសម្រាប់ជនបរទេសដែលមានអាយុចាប់ពី៦០ឆ្នាំឡើង និងសម្រាប់អ្នកដែលមានជំងឺរាំរ៉ៃ។ ព័ត៌មានលំអិតមានបង្ហាញនៅលើវេបសាយស្រាប់។

រដ្ឋាភិបាលថៃបានចាប់ផ្តើមកម្មវិធីចាក់វ៉ាក់សាំងទ្រង់ទ្រាយធំទូទាំងប្រទេសកាលពីថ្ងៃចន្ទម្សិលមិញ ទាំងជនជាតិថៃ និងបរទេស។

បច្ចុប្បន្ននេះ ថៃមានវ៉ាក់សាំង AstraZeneca ចំនួន៦១លានដូស និងវ៉ាក់សាំងទិញពីប្រទេសចិន Sinovac ចំនួន៦លានដូស។ នៅពេលជាមួយគ្នានេះ ថៃក៏កំពុងបញ្ជាទិញវ៉ាក់សាំងការពារកូវីដ-១៩ចំនួន៣ប្រភេទគឺវ៉ាក់សាំង Sinovac, Pfizer និង Johnson & Johnson ដែលមានចំនួនជាង៣០លានដូសបន្ថែមដើម្បីបំពេញគោលដៅបំណាច់ឆ្នាំនេះចាក់ឲ្យបាន១០០លានដូសដល់ប្រជាជនរបស់ខ្លួន៕