ព័ត៌មានជាតិ
កាត់ទោសក្រុមចោរប្លន់ប្រាក់ ជាង២លានដុល្លារ ដែលបើកចេញពីធនាគារ CBI
សំណុំរឿងប្លន់ប្រាក់២លាន៤សែនដុល្លារ ក្នុងចំណោមប្រាក់ចំនួន៥លានដុល្លារ ដែលបើកចេញពីធនាគារ CBI កាលពីឆ្នាំ២០១៩ ត្រូវបានក្រុមប្រឹក្សាជំនុំជម្រះសាលាដំបូង រាជធានីភ្នំពេញ លើកយកមកបើកសវនាការកាត់ទោសលើជនជាប់ចោទ ជាអតីតអ្នកទោសចោរប្លន់ ដែលទើបចេញពីពន្ធនាគារ។
ជនត្រូវចោទ ដែលតុលាការកាត់ទោស ក្នុងសំណុំរឿងនេះ មាន៧នាក់ រួមមាន៖ ទី១ ឈ្មោះ វ៉ា សុខ អាយុ៣៧ឆ្នាំ ជាអ្នកបើកបររថយន្តដឹកប្រាក់ចេញពីធនាគារ និងជាអតីតចោរប្លន់ ដែលទើបចេញពីពន្ធនាគារ។ ទី២ ឈ្មោះ មាស សំណាង អាយុ៣៨ឆ្នាំ ជាអតីតចោរប្លន់ដែលជាប់ពន្ធនាគារ៨ឆ្នាំ ទើបចេញពីគុក។ ទី៣ ឈ្មោះ អៀម សំអន អាយុ៣៧ឆ្នាំ ជាអតីតចោរប្លន់ទើបចេញពីពន្ធនាគារ និងជាអង្គរក្ស។ ទី៤ ឈ្មោះ វ៉ា ស្រ៊ីម ភេទស្រី អាយុ៣១ឆ្នាំ។ ទី៥ ឈ្មោះ លី អ៊ិន ជានគរបាលចរាចរផ្លូវគោក រាជានីភ្នំពេញ។ ទី៦ ឈ្មោះ លឹម រតនៈ ភេទប្រុស និងទី៧ឈ្មោះ លឹម រតនា ភេទប្រុស។ តុលាការ បានចោទប្រកាន់លើក្រុមជនជាប់ចោទពីបទ លួចមានស្ថានទម្ងន់ទោស បទសមគំនិតលួច និងបទទទួលផលចោរកម្ម ប្រព្រឹត្តកាលពីថ្ងៃទី១៦កក្ដដា ឆ្នាំ២០១៩ នៅក្នុងខណ្ឌចម្ការមន រាជធានីភ្នំពេញ ។
ក្នុងសវនាការ ជនជាប់ចោទ ដែលផ្ដើមគំនិតប្លន់យកប្រាក់ បានឆ្លើយសារភាពថា នៅរសៀលថ្ងៃទី១៦កក្ដដា ឆ្នាំ២០១៩ ឈ្មោះ នី សំអាត ជាប្រធានរដ្ឋបាលក្រុមហ៊ុន ឆាយ វ៉ាន់ បានហៅខ្លួនឲ្យបើកឡានជូនទៅធនាគារ ស៊ីប៊ីអាយ ដើម្បីបើកប្រាក់ចំនួន៥លានដុល្លារ ដោយប្រាក់ទាំងនោះដាក់ក្នុងសាក់កាដូចំនួន២ និងថង់ក្រណាត់ខ្មៅមួយ ដាក់នៅបាំងខាងក្រោយរថយន្ត ហើយខ្លួនក៏បានបើករថយន្តទៅយកបុគ្គលិកក្រុមហ៊ុនម្នាក់ នៅកាស៊ីណូណាហ្គា។ បន្ទាប់មកបានដឹកបុគ្គលិកនោះ ទៅផ្លូវត្រសក់ផ្អែម ក៏ចុះនោះទីនោះ។ បន្ទាប់មកខ្លួន ក៏បើកឡានដឹកលុយមកដល់ផ្លូវលេខ៣១០ ក្នុងសង្កាត់បឹងកេងកង ខ្លួនក៏ឈប់ឡានចុះទិញទឹកផឹក ហើយក៏ឆ្លៀតទូរស័ព្ទឲ្យឈ្មោះ មាស សំណាង មកយកខ្លួន ពេលនោះឃើញ មាស សំណាង មកដល់ខ្លួនគេ ក៏បើកទ្វាររថយន្តខាងក្រោយ ហើយនិយាយប្រាប់ឈ្មោះ នី សំអាត ដែលអង្គុយខាងមុខថា ខ្ញុំយកប្រាក់មួយសាក់កាដូហើយ ហើយក៏រត់មកឡើងជិះម៉ូតូ មាស សំណាង ដែលអង្គុយរង់ចាំ ជិះមកដល់ផ្សារស៊ីលឹប ក៏ឈប់ទិញស្បោងខ្មៅយកប្រាក់ចំនួន៧០ម៉ឺនដុល្លា រដាក់ស្បោងផ្ញើឲ្យ មាស សំណាង ទុកឲ្យខ្លួនដោយប្រាប់ថា ២ ឬ ៣ថ្ងៃទៀតខ្លួនមកយកវិញ ហើយក៏ជិះកង់បីឥណ្ឌាមកសាលាចតុមុខ។
ពេលមកដល់សាលាចតុមុខខ្លួនក៏ទូរស័ព្ទរកឈ្មោះ វ៉ា ស្រ៊ីម ជាក្មួយស្រី ហើយក៏បានផ្ញើប្រាក់ចំនួន៩៦ម៉ឺនដុល្លារដាក់ក្នុងឡានក្មួយ។ បន្ទាប់មកខ្លួនគេ ក៏បានជិះកង់បីឥណ្ឌាមកជួបឈ្មោះ អៀម សំអន ជាអង្គរក្ស ហើយក៏បានផ្ញើលុយចំនួន២៥ម៉ឺនដុល្លារ និងឲ្យលុយចាយថែម ២០០០ដុល្លារទៀត ហើយខ្លួនគេក៏បានទិញរថយន្តលុចស៊ីស Ntx200 មួយគ្រឿងតម្លៃជាង៦ម៉ឺនដុល្លារ និងសល់លុយជាប់ខ្លួន១៥ម៉ឺនដុល្លារ នៅជាប់ខ្លួនក៏ចេញទៅកាស៊ីណូស្វាយរៀង ពេលទៅដល់ថ្ងៃទី១៩កក្ដដា ក៏ត្រូវប៉ូលិសចចាប់តែម្ដង។
ចំណែកឈ្មោះ មាស សំណាង បានសារភាពថា ខ្លួនពិតជាបានទទួលលុយបញ្ញើចំនួន៧០ម៉ឺនដុល្លារមែន ហើយលុយនោះខ្លួនបានដកទុក៧ម៉ឺនដុល្លារ យកមកទិញរថយន្តលុចស៊ីស និងសល់៦៣ម៉ឺនដុល្លារទៀត បានយកទៅផ្ញើនៅឈ្មោះ លឹម រតនៈ និងលឹម រតនា ទិញផ្ទះចំនួន៣ល្វែង។ រីឯឈ្មោះ អៀម សំអន ជាអង្គរក្ស បានសារភាពថា ខ្លួនពិតជាបានទទួលលុយចំនួន២៥ម៉ឺនដុល្លារពីឈ្មោះ វ៉ា សុខ ដែលផ្ញើទុកនិងឲ្យខ្លួនចាយចំនួន២០០០ដុល្លារទៀត លុះដល់ថ្ងៃទី ១៩កក្ដដា ក៏ត្រូវប៉ូលិសចាប់ខ្លួនដកហូតលុយមកវិញទាំងអស់។
ចំណែកឈ្មោះ វ៉ា ស្រ៊ីម បានសារភាពថា នៅល្ងាចថ្ងៃទី ១៦កក្ដដា នាងបានជួបពូឈ្មោះ វ៉ា សុខ ហើយគាត់បានផ្ញើលុយចំនួន៩៦ម៉ឺនដុល្លារ ដោយ វ៉ា សុខ ប្រាប់ថាជាលុយគួកជេដីបាន។ ពេលវ៉ា សុខ ចេញផុត នាងក៏បានទាក់ទងមកឈ្មោះ លី អ៊ិន ជាប៉ូលិសចរាចរ នៅក្បាលថ្នល់ផ្ញើលុយចំនួន៩៦ម៉ឺនដុល្លារទុកឲ្យ វ៉ា សុខ លុះដល់ថ្ងៃទី១៩កក្ដដា ឆ្នាំ២០១៩ ក៏ត្រូវប៉ូលិសចាប់បានតែម្ដង។ ដោយសារអស់ម៉ោងរដ្ឋបាល តុលាការបានសម្រេចផ្អាកសវនាការរឿងក្ដីនេះ នៅវេលាម៉ោង១២ ហើយនឹងបន្តនៅថ្ងៃទី ២៣វិច្ឆិកា ឆ្នាំ២០២០ខាងមុខទៀត៕
អត្ថបទ៖ មករា
សូមចុចអាន៖ បើកឡានជួបអ្នកស្គាល់ជិះម៉ូតូ ខំស៊ីផ្លេដាក់ បែរជាគ្រោះថ្នាក់ដល់ជីវិត
គ្រូប្រដាល់ល្បីឈ្មោះលើវិថីគុនខ្មែរ លោក ធន់ សុភា ខ្ចីធនាគារខ្ទង់ ៤ម៉ឺនដុល្លារបង្គ្រប់ថ្លៃសាងសង់ក្លឹប
ប្រទេសមួយទៀតចេញមុខ គាំទ្រអង់គ្លេស ហើយចង់បញ្ជូនទ័ពទៅអ៊ុយក្រែន ធ្វើជាកងរក្សាសន្តិភាពដែរ
រយៈពេល២សប្ដាហ៍ អាជ្ញាធរសង្កាត់ស្ទឹងមានជ័យទី១ ឃាត់ម៉ូតូអ្នកជិះបញ្ច្រាសជាង១០០គ្រឿង
ចិនប្រកាសពន្ធសងសឹកលើពន្ធបន្ថែមចុងក្រោយរបស់ ត្រាំ ជាផ្លូវការ
ត្រាំ ចំអន់អឺរ៉ុបថាជះលុយទិញប្រេងពីរុស្ស៊ី ច្រើនជាងផ្ដល់ជំនួយឲ្យអ៊ុយក្រែន
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
អាមេរិក ចង់ឲ្យ Zelensky ចេញវីដេអូសុំទោស Trump ជាសាធារណៈ ទើបសុខចិត្ត
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម១៨ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៦ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ២៤ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៤ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ជីវិតកម្សាន្ដ៨ ម៉ោង agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានជាតិ១ សប្តាហ៍ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ