ព័ត៌មានអន្ដរជាតិ

អស់ពីព្យុះ វៀតណាមកំពុងប្រឈមទឹកជំនន់ និងការខូតខាតស្រូវដំណាំយ៉ាងច្រើន ប៉ះពាល់ពលរដ្ឋរាប់លាននាក់

បានផុស

៤ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

យោងតាមក្រសួងបរិស្ថាន និងធនធានធម្មជាតិប្រទេសវៀតណាម គ្រោះធម្មជាតិឆ្នាំនេះ អាចបង្កឲ្យមានផលប៉ះពាល់ធ្ងន់ធ្ងរខ្លាំងមិនធ្លាប់មាន ហើយបើតាមការព្យាករណ៍ គ្រោះធម្មជាតិទាំងនេះ បានបំផ្លិចបំផ្លាញគិតជាទឹកប្រាក់សរុបស្មើនិង ១,៥% នៃ GDP សរុបរបស់ពលរដ្ឋវៀតណាម ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីព្យុះ និងគ្រោះទឹកជំនន់ ទើបតែវាយប្រហារវៀតណាម ជាបន្តបន្ទាប់ នៅពេលនេះ ការព្យាករណ៍ថ្មីមួយ ត្រូវក្រសួងបរិស្ថាន និងធនធានធម្មជាតិ ចេញផ្សាយ ដោយអំពាវនាវឲ្យមានការប្រុងប្រយ័ត្ន ខណៈសីតុណ្ហភាពទូទាំងប្រទេសនេះ និងកើនឡើងចន្លោះពី ២-៣ អង្សារសេ រីឯកម្ពស់ទឹកសមុទ្រ ក៏កំពុងកើនឡើងចន្លោះពី ៧៨-១០០ សង់ទីម៉ែត្រ។

ស្ថានភាពនេះ នឹងធ្វើឲ្យទឹកជំនន់នៅតំបន់ដីសណ្តទន្លេក្រហម និងខេត្ត Quang Ninh អាចនឹងកើនឡើងប្រមាណ ១០% និងតំបន់ភាគខាងជើង នៃភូមភាគកណ្តាលប្រទេសនេះ នឹងកើនឡើង ២,៥% ខណៈទីក្រុងហូជីមីញ ស្ថានភាពទឹកជំនន់ នឹងកើនប្រមាណលើ ២០%។

ជាលទ្ធផលនៃស្ថានភាពកម្ពស់ទឹកតំបន់ខាងលើ ពលរដ្ឋនៅ តំបន់ដីសណ្តទន្លេក្រហម និងខេត្ត Quang Ninh អាចរងផលប៉ះពាល់ ៩% តំបន់ឆ្នេរភាគកណ្តាល ប៉ះពាល់ ៩% ខណៈពលរដ្ឋនៅហូជីមីញ អាចនិងប៉ះពាល់ប្រមាណ ៧%។

ជាមួយគ្នានេះ អាជ្ញាធរវៀតណាម ក៏បានបង្ហាញក្តីបារម្ភដែរថា ស្ថានភាពជំនន់ទូទាំងប្រទេស និងប៉ះពាល់ដល់ពលរដ្ឋតាមដងទន្លេមេគង្គប្រមាណ ៣៥% ខណៈទិន្នផលស្រូវឆ្នាំនេះ ខូតខាតប្រមាណ ៤០,៥%៕

ប្រែសម្រួល៖ សុភា
ប្រភព៖ Vietnam Insider