ព័ត៌មានជាតិ
ត្រួតពិនិត្យលើរថយន្តធុនធំជាង១០០គ្រឿងមន្រី្តជំនាញរកឃើញថាស្ទើរតែទាំងស្រុងដឹកជញ្ជូនតាមច្បាប់កំណត់
មន្ត្រីជំនាញសាធារណការនិងដឹកជញ្ជូន ចុះត្រួតពិនិត្យរថយន្តធុនធំជាង១០០គ្រឿងដែលចរាចរណ៍លើដងផ្លូវលេខ៥៧ លទ្ធផលរថយន្តស្ទើរតែទាំងអស់ បានដឹកជញ្ជូនតាមច្បាប់កំណត់។
លោក ឯក រត្ន័ អនុរដ្ឋលេខាធិការក្រសួងសាធារណៈនិងដឹកជញ្ជូន បានប្រាប់ឲ្យដឹងនៅថ្ងៃទី១០ ខែមិថុនា ឆ្នាំ២០២១នេះថា យុទ្ធនាការនេះគោលដៅសំខាន់ផ្តោតលើការត្រួតពិនិត្យទាំងបច្ចេកទេសនិងផ្លូវច្បាប់លើយានយន្តធុនធំ ដែលដឹកជញ្ជូនទំនិញនានាពិសេសរថយន្តដឹកជញ្ជូនស៊ីម៉ង់ចេញពីក្រុមហ៊ុនផលិតស៊ីម៉ង់ ក្នុងស្រុកបាណន់ខេត្តបាត់ដំបង។ បេសកកម្មចុះត្រួតពិនិត្យខាងលើនេះ ក្នុងគោលបំណងជំរុញការអនុវត្តច្បាប់ចរាចរណ៍ផ្លូវគោកពាក់ព័ន្ធនឹងការដឹកជញ្ជូនលើសទម្ងន់ផ្ទុក ដើម្បីកាត់បន្ថយការខូចខាតផ្លូវថ្នល់រួមចំណែក ក្នុងការសន្សំសំចៃថវិកាជាតិព្រមទាំងធ្វើឲ្យប្រសើរឡើងដល់សុវត្ថិភាពហេដ្ឋារចនាសម្ព័ន្ធដឹកជញ្ជូនផ្លូវគោក ក្រៅពីនេះក៏បានជួយធានាឲ្យការប្រកួតប្រជែង ដោយយុត្តិធម៌លើការដឹកជញ្ជូននិងការការពារបរិស្ថានផងដែរ។
ដែលការអនុវត្តនេះ ត្រូវបានសហការរវាងក្រុមជំនាញក្រសួងសាធារណៈនិងដឹកជញ្ជូនជាមួយមន្ត្រីនៃមន្ទីរសាធារណការនិងដឹកជញ្ជូនខេត្តបាត់ដំបងរួមជាមួយកម្លាំងសមត្ថកិច្ចពាក់ព័ន្ធមួយចំនួនទៀត ធ្វើការត្រួតពិនិត្យនិងវាស់ថ្លឹងរថយន្ត ដែលធ្វើចរាចរណ៍លើដងផ្លូវបានសរុបចំនួន១០១គ្រឿង ក្នុងនោះរកឃើញរថយន្តផ្ទុកទម្ងន់លើសកំណត់ ត្រឹមតែចំនួន១គ្រឿងប៉ុណ្ណោះ។ ហើយរថយន្ត១គ្រឿងដែលល្មើសច្បាប់នេះ ក៏ត្រូវបានមន្ត្រីជំនាញតម្រូវឲ្យធ្វើកិច្ចសន្យាបញ្ឈប់រាល់សកម្មភាពដឹកល្មើសច្បាប់បន្តទៀត និងមានការណែនាំអប់រំបន្ថែមនិងពិន័យជាប្រាក់នៅនឹងកន្លែងតាមផ្លូវច្បាប់ផង។
ពាក់ព័ន្ធនិងរថយន្តដឹកជញ្ជូនទំនិញលើសច្បាប់អនុញ្ញាតនេះ តម្រូវឲ្យផាកពិន័យកំណត់ទៅតាមភាគរយនៃទម្ងន់ល្មើសជាក់ស្តែង ក្នុងករណីល្មើសចាប់ពី៥ទៅ១០%ត្រូវពិន័យជាប្រាក់គុណនឹង១០ម៉ឺនរៀលក្នុង១តោន។ ហើយចាប់ពី១០%ឡើងទៅដល់២០%តម្រូវគុណនឹងទឹកប្រាក់ចំនួន២០ម៉ឺនរៀលនិងល្មើសច្រើនធ្ងន់ធ្ងរជាង២០% ត្រូវពិន័យគុណនឹង៣០ម៉ឺនរៀល ក្នុង១តោននិងត្រូវឃាត់រថយន្តនោះទុកចំនួន១ឆ្នាំថែមទៀត។
ក្រោយដឹកនាំមន្ត្រីជំនាញចុះត្រួតពិនិត្យលោក ឯក រត្ន័ អនុរដ្ឋលេខាធិការក្រសួងសាធារណការនិងដឹកជញ្ជូនបានកត់សម្គាល់ថា បច្ចុប្បន្នក្នុងពេលដែលក្រុមការងារចុះត្រួតពិនិត្យ នៅតាមគោលដៅនីមួយៗឃើញថា អត្រាល្មើសបានថយចុះច្រើនលោកសង្ឃឹមថាម្ចាស់យានយន្តឬម្ចាស់ក្រុមហ៊ុនទាំងអស់មានការយល់ដឹងខ្ពស់ពីច្បាប់។
បើទោះបីបែបនេះ លោកក៏បានព្រមានលើម្ចាស់រថយន្តផងដែរថា ត្រូវតែជៀសវាងប្រការបានដឹងដំណឹងថាមន្ត្រីចុះមកត្រួតពិនិត្យហើយបានសម្តែងរៀបចំធ្វើជាគោរពច្បាប់ត្រឹមត្រូវហើយធាតុពិតនៅតែល្មើសមិនគោរពតាមច្បាប់ដដែល គឺត្រូវតែបញ្ឈប់នូវគំនិតបែបនេះ។យើងទាំងអស់គ្នា ត្រូវមានឆន្ទៈចូលរួមចំណែកប្រើប្រាស់ផ្លូវថ្នល់ប្រកបដោយសេចក្តីស្រលាញ់ថែរក្សាការពារទ្រព្យសម្បត្តិជាតិរួមគ្នា និងរួមចំណែកកាត់បន្ថយអត្រាគ្រោះថ្នាក់ចរាចរណ៍ ដែលកំពុងកើតមានឡើងគួរឲ្យកត់សំគាល់ដែលធ្វើឲ្យបាត់បង់អាយុជីវិតមនុស្សស្ទើររាល់ថ្ងៃ៕
អត្ថបទ៖ សៅ សារិទ្ធ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់