កូវីដ-១៩

ត្រឹម៤ថ្ងៃ កម្ពុជាមានអ្នកស្លាប់ដោយសារជំងឺកូវីដ ដល់ទៅ៤៥នាក់

បានផុស

៤ years មុន

នៅ

ថ្ងៃសុក្រ ១១ មិថុនា ២០២១

ដោយ

ត្រឹមតែរយៈពេល៤ថ្ងៃប៉ុណ្ណោះ កម្ពុជាមានអ្នកស្លាប់ដោយសារជំងឺកូវីដ១៩រហូតដល់ទៅ៤៥នាក់ដែលធ្វើឱ្យចំនួនអ្នកស្លាប់សរុបកើនឡើងដល់៣១១នាក់។

យោងតាមរបាយការណ៍របស់ក្រសួងសុខាភិបាលបានឱ្យដឹងថា ចាប់ពីថ្ងៃទី៨ រហូតមកដល់ថ្ងៃទី១១ខែមិថុនា នេះ មានអ្នកស្លាប់ដោយសារជំងឺកូវីដ១៩ចំនួន៤៥នាក់ ក្នុងនោះថ្ងៃទី៨ ខែមិថុនា មានចំនួន១២នាក់ ថ្ងៃទី៩ ខែមិថុនា មានចំនួន១១នាក់ ថ្ងៃទី១០ មាន១១នាក់ និងថ្ងៃទី១១ខែមិថុនា នេះចំនួន១១នាក់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលធ្លាប់បានលើកឡើងថា អ្នកជំងឺដែលស្លាប់ដោយសារជំងឺកូវីដ-១៩នៅកម្ពុជា ភាគច្រើនមានវ័យចំណាស់ និងជាអ្នកជំងឺដែលមានជំងឺប្រចាំកាយរ៉ាំរ៉ៃដូចជា ជំងឺ បេះដូង លើសឈាម រលាកសួត ជំងឺមហារីក និងជំងឺទឹកនោមផ្អែមជាដើម។

គិតត្រឹមថ្ងៃទី១១ ខែមិថុនា ឆ្នាំ២០២១នេះ កម្ពុជាមានអ្នកឆ្លងសរុបចំនួន៣៧៣២១នាក់ អ្នកជាសះស្បើយចំនួន៣០៦១៧នាក់ អ្នកកំពុងសម្រាកព្យាបាលជំងឺនៅមន្ទីរពេទ្យមានចំនួន៦៧០៤នាក់ និងអ្នកស្លាប់ចំនួន៣១១នាក់ សុទ្ធតែនៅក្នុងព្រឹត្តិការណ៍សហគមន៍២០កុម្ភៈឆ្នាំ២០២១។

គួរបញ្ជាក់ថា ប្រទេសកម្ពុជាបានរកឃើញអ្នកឆ្លងជំងឺកូវីដ១៩ជាលើកដំបូងនៅថ្ងៃទី២៧ ខែមករា ឆ្នាំ២០២០ ទៅលើបុរសជនជាតិចិននៅខេត្តព្រះសីហនុ៕

អត្ថបទ ៖ សំអឿន