កូវីដ-១៩
រោងចក្រចំនួន៣ទៀតនៅភ្នំពេញ បានផ្អាកដំណើរការបណ្តោះអាសន្នបន្ទាប់ពីមានផ្ទុះជំងឺកូវីដ១៩
ភ្នំពេញ ៖ រោងចក្រសហគ្រាសចំនួន៣នៅរាជធានីភ្នំពេញត្រូវបានផ្អាកដំណើរការជាបណ្តោះអាសន្នបន្ទាប់ពីមានកម្មករនិយោជិតឆ្លងជំងឺកូវីដ ១៩ជាបន្តបន្ទាប់រួចមក។
យោងតាមសេចក្តីជូនដំណឹងរបស់សាលារាជធានីភ្នំពេញចុះថ្ងៃទី១០មិថុនាបានឱ្យដឹងថា រោងចក្រដែលផ្អាកសកម្មភាពជាបណ្តុះអាសន្ននោះរួមមានទី១. សិប្បកម្មវេចខ្ចប់សំលៀកបំពាក់ធានឈឹងដែលមានទីតាំងស្ថិតនៅក្នុងភូមិអង្គាផុសសង្កាត់ទួលសង្កែផ្អាករយៈពេល៦ថ្ងៃគិតចាប់ពីម៉ោងសូន្យថ្ងៃទី១១ខែមិថុនាឆ្នាំ២០២១រហូតដល់ថ្ងៃទី១៦ខែមិថុនាឆ្នាំ២០២១។
ទី២. ក្រុមហ៊ុន ធីអិល អ៊ែរ អិចប្រេសឯ.ក មានទីតាំងស្ថិតនៅអាគារលេខ ៣៤៥ ផ្លូវ ២១៥សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញផ្អាកសម្រាប់រយៈពេល៧ថ្ងៃគិតចាប់ពីម៉ោងសូន្យថ្ងៃទី ១១ខែមិថុនាឆ្នាំ២០២១ដល់ថ្ងៃទី១៧ខែមិថុនាឆ្នាំ២០២១។
ទី៣.រោងចក្រ ឃីនស៍ ថេកស្គាយ (ខេបូឌា)ឯ.ក ដែលមានទីតាំងស្ថិតនៅភូមិក្បាលដំរីសង្កាត់កាកាបទី២ ខណ្ឌពោធិ៍សែនជ័យរាជធានីភ្នំពេញផ្អាកសម្រាប់រយៈពេល ៦ថ្ងៃចាប់ពីម៉ោងសូន្យថ្ងៃទី១១ ខែមិថុនាឆ្នាំ ២០២១រហូតដល់ថ្ងៃទី១៦ ខែមិថុនា ឆ្នាំ២០២១។
បើតាមសាលាក្រុងការផ្អាកសកម្មភាពរោងចក្រទាំង៣ខាងលើនេះ គឺដើម្បីទប់ស្កាត់ការឆ្លងរាលដាលជំងឺកូវីដ ១៩។
សាលាក្រុងបានណែនាំដល់បុគ្គលិកកម្មករនិយោជិតដែលបម្រើការងារនៅតាមរោងចក្រទាំង៣ខាងលើត្រូវចូលរួមសហការជាមួយអាជ្ញាធរមូលដ្ឋានមន្ត្រីជំនាញនិងមន្ត្រីសុខាភិបាលដើម្បីទៅយកសំណាកវិភាគរកកូវីដ ១៩នៅទីតាំងដែលបានរៀបចំនិងត្រូវធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល។
ចំណែកនិយោជកម្ចាស់ ឬ អ្នកគ្រប់គ្រងរោងចក្រទាំង៣វិញ ក៏ត្រូវចូលរួមសហការជាមួយអាជ្ញាធរមូលដ្ឋានមន្ត្រីជំនាញនិងមន្ត្រីសុខាភិបាលដើម្បីស្រាវជ្រាវនិងកំណត់អ្នកប៉ះពាល់ផ្សេងៗទៀតព្រមទាំងចូលរួមសហការអនុវត្តវិធានការរដ្ឋបាលនិងវិធានការសុខាភិបាលឲ្យបានម៉ឺងម៉ាត់ផងដែរ។
សាលាក្រុងបានបន្តទៀតថា ក្នុងអំឡុងពេលនៃការអនុវត្តវិធានការផ្អាកសកម្មភាពអាជីវកម្មផលិតកម្មរោងចក្រទាំង៣ ត្រូវបានហាមឃាត់រាល់ការចេញចូលនិងរាល់ការជួបជុំឬការប្រមូលផ្ដុំមនុស្សក្នុងមូលដ្ឋានសិប្បកម្មលើកលែងតែមានការចាំបាច់ដូចជាការចេញចូលនិងការជួបជុំក្នុងចំណោមបុគ្គលិកនិងកម្មករនិយោជិតក្នុងទីតាំងកំណត់ត្រូវបានផ្ដល់សំណាក ការចេញចូលនិងការជួបជុំបុគ្គលិកសុខាភិបាលក៏ជាការយកវត្ថុសំណាកនិងការចាក់វ៉ាក់សាំងការពារកូវីដ ១៩និងការជួបជុំរបស់បុគ្គលិកសុខាភិបាលដែលបំពេញការងារសង្គ្រោះបន្ទាន់ផ្សេងទៀត ការចេញចូលរបស់អាជ្ញាធរមានសមត្ថកិច្ចគ្រប់លំដាប់ថ្នាក់ក្នុងការបំពេញការងារថែរក្សាសន្តិសុខសណ្តាប់ធ្នាប់។
សាលាក្រុងបានព្រមានថា ប្រសិនបើបុគ្គលិកនិងកម្មករនិយោជិតទាំងឡាយណាដែលមិនព្រមសហការទៅយកសំណាករកកូវីដ១៩ ឬ មិនអនុវត្តវិធានការចត្តាឡីស័កនឹងត្រូវប្រឈមមុខនឹងការពិន័យអន្តរកាលក្នុងកម្រិតទឹកប្រាក់ចន្លោះពី ១លានរៀលដល់ ១០ លានរៀល។
រីឯ និយោជកម្ចាស់ឬអ្នកគ្រប់គ្រងសិប្បកម្មនិងបុគ្គលិកកម្មករនិយោជិតទាំងឡាយណាដែលមិនអនុវត្តតាមការណែនាំខាងលើ ត្រូវកសាងសំណុំរឿងបញ្ជូនទៅស្ថាប័នតុលាការដើម្បីផ្ដន្ទាទោសដាក់ពន្ធនាគារនិងទោសពិន័យជាប្រាក់ស្របតាមច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ ១៩និងជំងឺកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតនិងលិខិតបទដ្ឋានគតិយុត្តិពាក់ព័ន្ធនានាជាធរមាន៕
ដោយ ៖ សំអឿន
ក្រុមហ៊ុន ហ៊ិននីគែន ខេមបូឌាបានចំណាយ ៧៥ ភាគរយនៃលទ្ធកម្មក្នុងស្រុកក្នុងឆ្នាំ ២០២៣
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
បេក្ខជនប្រឡងបាក់ឌុប នឹងធ្លាក់ស្វ័យប្រវត្តិករណីរកឃើញលាក់សំណៅឯកសារ
ព្រះសង្ឃ គង់ក្នុងវត្តទួលឃ្លាំង ចែកទានបន្តដល់ពលរដ្ឋកំពុងរងគ្រោះដោយទឹកជំនន់ នៅស្រុកកោះសូទិន
អាមេរិកមានកង្វល់រឿង ចិន រុស្ស៊ី និងអ៊ីរ៉ង់ប្រើបច្ចេកវិទ្យា AI ជ្រៀតចូលការបោះឆ្នោត
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
Update ៖ អគ្គិភ័យឆេះឃ្លាំងស្តុកកង់អគ្គិសនីអស់ជិត ៤ ពាន់គ្រឿង ប្រើរថយន្តពន្លត់អគ្គិភ័យជិត ៣០ គ្រឿង
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ