មេដឹកនាំ អង់គ្លេស និងបារាំង​ ថា កូវីដមិនមែនចេញពីមន្ទីរពិសោធន៍ទេ ហើយចាត់ទុកវីរុសនេះជាសត្រូវរួមរបស់មនុស្សជាតិ

នាយករដ្ឋមន្រ្តីអង់គ្លេសលោក Boris Johnson កាលពីថ្ងៃអាទិត្យបាននិយាយថា វាមើលទៅដូចជាជំងឺកូវីដ ១៩ មិនមែនមានប្រភពនៅក្នុងបន្ទប់ពិសោធន៍នោះទេ ។

លោកនាយករដ្ឋមន្រ្តីបានបន្ថែមថា “ច្បាស់ណាស់អ្នកមានវិចារណញាណ ចង់រក្សាការបើកចំហរអំពីរឿងនោះ” ។

លោក Johnson បានធ្វើអត្ថាធិប្បាយបែបនេះ នៅពេលឆ្លើយសំណួរពីប្រព័ន្ធផ្សព្វផ្សាយនៅថ្ងៃចុងក្រោយនៃកិច្ចប្រជុំកំពូលមេដឹកនាំ G7 ។

ដោយឡែកប្រធានាធិបតីបារាំងលោក Emmanuel Macron កាលពីថ្ងៃអាទិត្យបានកត់សម្គាល់ដែរថា ការតាមដានប្រភពដើមនៃវីរុសនេះ គួរតែផ្អែកលើអង្គហេតុ និងការស៊ើបអង្កេតដោយអង្គការសុខភាពពិភពលោក (WHO) តាមរយៈកិច្ចសហប្រតិបត្តិការរបស់ប្រទេសទាំងអស់ ។

មេដឹកនាំបារាំងរូបនេះក៏បានអំពាវនាវដល់ប្រជាជាតិនានា ដើម្បីចែករំលែកសមិទ្ធិផលច្នៃប្រឌិតថ្មី ដោយនិយាយថា វីរុសនេះគឺជាសត្រូវរួមរបស់មនុស្សជាតិ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ មេដឹកនាំពិភពលោក សន្យាផ្តល់វ៉ាក់សាំងកូវីដ ១ពាន់លានដូស ឲ្យប្រទេសក្រីក្រ