ជីវិតកម្សាន្ដ

ឆន សុវណ្ណារាជ រម្លឹកបណ្តាំចុងក្រោយរបស់អ្នកម្តាយមុនពេលស្លាប់

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

ថ្វីត្បិតតែអ្នកម្តាយជាទីស្រលាញ់បានលាចាកលោកទៅហើយក៏ពិតមែន តែតារាចម្រៀងលោក ឆន សុវណ្ណារាជ នៅតែបង្ហាញក្តីសោកសៅដោយនឹកឃើញគ្រប់ពេល និងអនុស្សាវរីយ៍កាលពីម្តាយនៅមានជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀត រឿងដែលធ្វើឲ្យ ឆន សុវណ្ណារាជ មិនអាចបំភ្លេចបាននោះ គឺបណ្តាំដែលតែងតែប្រាប់ឲ្យលោកធ្វើជាមនុស្សល្អ។ លោក ឆន សុវណ្ណារាជ បានរៀបរាប់ភ្ជាប់រូបភាពចុងក្រោយរបស់អ្នកម្តាយថា ស្នាមញញឹមចុងក្រោយដែលកូនបាននិយាយជាមួយអ្នកម្តាយតាមវីដេអូខល។ អរគុណដល់ហ្វេនម្នាក់ដែលបានជួយធ្វើវាឲ្យច្បាស់សម្រាប់ខ្ញុំ ។

លោកបន្តទៀតថា អ្នកម៉ែទៅបានសុខហើយ ម៉ែលែងពិបាកហើយ ព្រោះអ្នកម៉ែទ្រាំជាមួយជំងឺនេះជិត២០ឆ្នាំមកហើយ ស្នាមញញឹមរបស់ម៉ែ គឺជាក្តីសុខរបស់កូនម្នាក់នេះ កូនសន្យាថា នឹងរឹងមាំមើលថែរក្សារគ្រួសារមួយនេះឲ្យល្អជំនួសអ្នកម៉ែ ម៉ែទៅកាន់ឋានសួរសោយសុខឲ្យស្ងប់ចិត្តចុះណា កូន នឹងរឹងមាំហើយឲ្យខ្លាំងដូចជាម៉ែចឹង ។

តារាចម្រៀងលោក ឆន សុវណ្ណារាជ បន្ថែមថា ម្តាយរបស់លោកជាស្ត្រីមេម៉ាយ តែគាត់អាចចិញ្ចឹមកូនបានយ៉ាងល្អដល់ទៅ៦នាក់ គាត់គឺជាវិរ:នារីក្នុងបេះដូងកូនៗរហូត។ អំពើល្អមិនសាបសូន្យជាពាក្យដែលម្តាយលោកតែងតែប្រាប់កូនៗទាំងអស់គ្នា កូនសន្យាថា នឹងរឹងមាំហើយបន្តដំណើរជីវិតជាមួយក្រុមគ្រួសារយើងបន្តរទៀត ៕

អត្ថបទ ៖ ចាន់រ៉ា