ព័ត៌មានអន្ដរជាតិ

ចិនកំណត់ចាក់វ៉ាក់សាំងកូវីដឲ្យបាន១ពាន់លានដូសត្រឹមចុងសប្តាហ៍នេះ

បានផុស

៤ years មុន

នៅ

ថ្ងៃពុធ ១៦ មិថុនា ២០២១

ដោយ

ប្រទេសចិននឹងចាក់វ៉ាក់សាំងឲ្យបាន១ពាន់លានដូសនៅបំណាច់សប្តាហ៍នេះ បន្ទាប់ពីការបង្កើនផលិតកម្ម និងបណ្តាញចែលចាយវ៉ាក់សាំងទ្រង់ទ្រាយធំត្រូវបានធ្វើឡើងដើម្បីបំពេញមហិច្ឆតារបស់ខ្លួនដែលត្រូវចាក់ឲ្យបាន៤០%នៃប្រជាជនទូទាំងប្រទេសក្នុងខែនេះ។

អាជ្ញាធរចិនបានកំពុងជំរុញ និងលើកទឹកចិត្តឲ្យប្រជាជនទទួលយកការចាក់វ៉ាក់សាំងការពារកូវីដ-១៩ដោយឥតគិតថ្លៃ និងស្ម័គ្រចិត្តតាមរយៈផ្តល់ជារង្វាន់លើកទឹកចិត្តជាប្រាក់សុទ្ធ កាដូ និងសញ្ញាពណ៌សំគាល់សម្រាប់អាជីវកម្មដោយអាស្រ័យលើអត្រាចាក់វ៉ាក់សាំង។

ការចាប់ផ្តើមពីដំបូងមានលក្ខណៈយឹតយ៉ាវ ដោយវ៉ាក់សាំងតែ៨០លានដូសប៉ុណ្ណោះត្រូវបានចាក់នៅត្រឹមខែឧសភា ខណៈអត្រាឆ្លងកូវីដ-១៩ប្រចាំថ្ងៃរបស់ចិនបានកើតឡើងប្រហែលជា២០នាក់ជារៀងរាល់ថ្ងៃ។ អ្នកដែលបានចាក់ច្រើនបំផុតគឺ១ដូសដែលជាវ៉ាក់សាំងផលិតក្នុងស្រុក Sinopharm និង Sinovac។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់សារព័ត៌មានរដ្ឋ ថា កាលពីថ្ងៃអង្គារ៍ គណកម្មការសុខភាពជាតិចិនបានប្រកាសថា វ៉ាក់សាំងជាង៩០១លានដូសដែលផលិតក្នុងស្រុកត្រូវបានចាក់ដល់ប្រជាជន។

ការដាក់ចេញផែនការធំក្នុងរយៈពេលខ្លីនេះបានកើតឡើងចំពេលអាជ្ញាធរនៅទីក្រុងមានពលរដ្ឋច្រើន Guangzhou កំពុងប្រយុទ្ធនឹងវីរុសបំប្លែងខ្លួន Delta ដែលរកឃើញដំបូងនៅឥណ្ឌាកំពុងវាយលុក។

អាជ្ញាធបានឲ្យដឹងថា ករណីឆ្លងពីរនាក់នៅខេត្ត Guangdong កាលពីថ្ងៃអង្គារ៍ និង៣នាក់នៅថ្ងៃចន្ទដែលសរុបទាំងអស់ចំនួន១៥០នាក់។ ឆ្លើយតបនឹងការផ្ទុះសាថ្មីនេះចិនបានចាប់ផ្តើមធ្វើតេស្តទ្រង់ទ្រាយធំគឺប្រជាជនទូទាំងទីក្រុងដើម្បីរកកូវីដ-១៩។

ខេត្ត Guangdong កំពុងស្ថិតក្រោមបំរាមក្នុងនោះមានដូចជាហាមធ្វើដំណើរ និងបិទខណ្ឌជាច្រើនរយៈពេលពីរសប្តាហ៍មកហើយ បន្ទាប់ពីការផ្ទុះឆ្លងថ្មីកើតមានកាលពីខែមុន៕

ប្រែសម្រួល៖ វីរបុត្រ
ប្រភព៖ theguardian