ព័ត៌មានអន្ដរជាតិ

ប៉ូលិសថៃចាប់មនុស្ស៧នាក់បើកភ្នាល់បាល់ Euro 2020

បានផុស

៤ years មុន

នៅ

ថ្ងៃសៅរ៍ ១៩ មិថុនា ២០២១

ដោយ

ម្សិលមិញប៉ូលិសថៃបានឲ្យដឹងថា មនុស្ស៧នាក់ត្រូវបានចាប់ខ្លួនពីបទបើកវេបសាយល្បែងស៊ីសងខុសច្បាប់មួយនៅក្នុងការបង្ក្រាបចំពេលព្រឹត្តិការណ៍កីឡាបាល់ទាត់ជើងឯកអឺរ៉ុប Uefa Euro 2020 កំពុងដំណើរការប្រកួត។

ទ្រព្យសម្បត្តិដែលមានតម្លៃជាង៥០ម៉ឺនដុល្លារអាមេរិកត្រូវបានប៉ូលិសរឹតអូសក្នុងការបង្ក្រាប៤កន្លែងគឺ២កន្លែងនៅខេត្ត Nonthaburi និង២កន្លែងទៀតនៅទីក្រុងបាំងកក និងខេត្ត Prachuap Khiri Khan។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Damrongsak Kittiprapas អគ្គស្នងការរងប៉ូលិសជាតិ និងប្រធានកម្លាំងបង្ក្រាបអ៉ឺនធឺណេត (PCT) បាននិយាយថា ប៉ូលិសបានទទួលដីកាដើម្បីស៊ើបអង្កេតដែលមានការសង្ស័យពាក់ព័ន្ធការបើកវេបសាយល្បែងស៊ីសង។

លោកថា វិបសាយនោះមានគណនីជាច្រើន និងជាបណ្តាញដែលគិតជាទឹកប្រាក់ប្រចាំខែប្រមាណជាង៦០លានដុល្លារអាមេរិក។ វត្ថុដែលត្រូវបានរឹបអូសមានដូចជា ទូរសព្ទ កុំព្យួទ័រ តុ កៅអី សៀវភៅសរសេរ សៀវភៅធនាគារ គ្រឿងអលង្ការ រថយន្ត និងប្រាក់បាតសុទ្ធជាដើម។

ជនសង្ស័យជាបឋមត្រូវបានចោទប្រកាន់ពីបទបើកសេវាកម្មល្បែងស៊ីសងដោយគ្មានច្បាប់អនុញ្ញាត៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ