ព័ត៌មានអន្ដរជាតិ
ក្រុងស៊ីដនីសុខសាន្តជិត១ឆ្នាំហើយ ឥឡូវផ្ទុះកូវីដ បំរាមគោចរត្រូវបានដាក់
ស៊ីដនី របស់ប្រទេសអូស្ត្រាលីនឹងដាក់បំរាមគោចរទូទាំងទីក្រុងដោយសារករណីផ្ទុះឆ្លងកូវីដ-១៩ជាចង្កោមយ៉ាងលឿនគួរឲ្យបារម្ភ។
អាជ្ញាធរបានរាយការណ៍ថា នៅថ្ងៃពុធនេះរកឃើញករណីឆ្លងថ្មី១៦នាក់ដែលធ្វើឲ្យករណីឆ្លងជាចង្កោមកើនដល់៣៧នាក់។
ប្រជាជននៅទីក្រុងស៊ីដនីដែលមាន៥.៣លាននាក់ត្រូវពាក់ម៉ាស់នៅក្នុងផ្ទះ និងការធ្វើដំណើរជាច្រើនចេញពីទីក្រុងត្រូវបានហាម។ មន្ត្រីកំពុងព្រួយបារម្ភយ៉ាងខ្លាំងអំពីវីរុសបំប្លែងខ្លួន Delta ដែលឆ្លងយ៉ាងអាក្រក់។
ករណីឆ្លងជាចង្កោមជាសញ្ញានៃការកើនឡើងខ្ពស់នៅទីក្រុងស៊ីដនីគិតចាប់តាំងពីខែធ្នូមក។ ស្ទើរពេញមួយឆ្នាំដែលប្រជាជននៅទីក្រុងនេះរីករាយនឹងជីវិតរស់នៅប្រចាំថ្ងៃដោយស្ទើរតែគ្មានបំរាមអ្វីសោះ។
យ៉ាងណា ដោយសារករណីឆ្លងថ្មីកើនឡើងយ៉ាងលឿន អាជ្ញាធរទីក្រុងបាននិយាយថា បំរាមគោចរថ្មីនឹងត្រូវដាក់ចេញ។ អភិបាលរដ្ឋ New South Wales លោក Gladys Berejiklian បាននិយាយថា ៖«សូមបោះបង់ចោលសកម្មភាពមិនចាំបាច់ កុំជួបជុំគ្នាក្នុងសង្គម លើកលែងតែចាំបាច់បំផុត»។
ចាប់ពីថ្ងៃពុធនេះទៅ គ្រួសារត្រូវកំណត់មនុស្សទៅលេងច្រើនបំផុត៥នាក់។ ការរឹតត្បិតក៏នឹងត្រូវដាក់នៅទីតាំងលក់អាហារ កន្លែងហាត់ប្រាណ ទីលានកីឡា និងការជួបជុំផ្សេងៗទៀត។ មនុស្សដែលរស់នៅ ឬធ្វើការតំបន់ឆ្លងកូវីដ រាប់បញ្ចូលទាំងភាគកណ្តាលទីក្រុងស៊ីដនី ត្រូវបានហាមធ្វើដំណើរចេញពីក្រុង។
ប្រធានសុខាភិបាលរដ្ឋ New South Wales លោក Brad Hazzard មានប្រសាសន៍ថា ហានិភ័យនៃវីរុសបានកើនឡើងដល់ចំណុចគ្រោះថ្នាក់ពិតប្រាកដដែលឥឡូវនេះទូទាំងទីក្រុងស៊ីដនី។
ការឆ្លងជាចង្កោមបានផ្ទុះឡើងដំបូងនៅផ្សារទំនើបមួយក្នុងតំបន់ Bondi ដែលស្ថិតនៅឆ្នេរខ្សាច់ដ៏ល្បីល្បាញ និងជាទិសដៅទេសចរណ៍ដ៏ទាក់ទាញភាគខាងកើតទីក្រុង។
នៅពុធនេះ អាជ្ញាធរបានរាយការណ៍ថា ករណីឆ្លងក៏បានរកឃើញនៅផ្នែកមួយនៃទីក្រុងស៊ីដនីដែលមានចម្ងាយប្រមាណ៦៥គីឡូម៉ែត្រពីកន្លែងឆ្លងនៅក្នុងទីក្រុង។
ការឆ្លងក៏បានក្លាយជាកង្វល់នៅរដ្ឋ New Zealand ដែរ បន្ទាប់ពីអ្នកឆ្លងម្នាក់បានធ្វើដំណើរពីទីក្រុងស៊ីដនីទៅកាន់តំបន់ Wellington។
មានការរំពឹងទុកជាសាធារណៈថា ទីក្រុងស៊ីដនីប្រហែលជាត្រូវដាក់បំរាមពេញបន្ទុក ប្រសិនបើចំនួនឆ្លងនៅតែកើនឡើង។
រហូតដល់ពេលនេះ កូវីដ-១៩នៅប្រទេសអូស្ត្រាលីត្រូវបានចាត់ទុកធូរស្រាលជាងប្រទេសអភិវឌ្ឍផ្សេងៗ ខណៈករណីឆ្លងសរុបមានចំនួន៣០៣៦០នាក់ និងមរណភាព៩១០នាក់៕
ប្រែសម្រួល៖ វីរបុត្រ
ប្រភព៖ AFP
ម្ចាស់ចម្ការម្រេចម្នាក់ បង្ហាញពីបទពិសោធន៍ដាំម្រេចទទួលបានទិន្នផលខ្ពស់
សុខភាព Justin កាន់តែព្រួយបារម្ភ ក្រោយតារារ៉េប Diddy ចាប់ខ្លួនបទល្មើសផ្លូវភេទ
គួច ខេវិន ៖ Ishow Speed មកកម្ពុជាជួយផ្សព្វផ្សាយវប្បធម៌ អរិយធម៌ តែផ្ទុយពីការគិត ត្រូវខាតបង់ទៅវិញ
ថៃឃុំខ្លួនស្ត្រីប៉ូឡូញដែលបង្កភាពស្លន់ស្លោដោយការគម្រាមមានគ្រាប់បែកលើយន្តហោះ
អតីតតារាកំប្លែង តា ចេក ត្អូញត្អែរថារកស៊ីអ្វីក៏មិកកាក់កប ខណ:គ្មានសង្ឃឹមជួបជុំសាច់ញាតិនារដូវភ្ជុំ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
ជប៉ុន គាំទ្រការសម្រេចចិត្តរបស់កម្ពុជាក្នុងការដកខ្លួនចេញពី CLV-DTA និងសន្យាបន្តជួយ
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព