ព័ត៌មានជាតិ

គិតត្រឹមថ្ងៃទី ២៦ មិថុនា រដ្ឋបាលខេត្តរតនគិរីប្រកាសរកឃើញអ្នកវិជ្ជមានកូវីដបន្តកើនដល់ ៣៦៤ នាក់ និង ករណីស្លាប់ ២ នាក់

បានផុស

៣ years មុន

នៅ

ថ្ងៃអាទិត្យ ២៧ មិថុនា ២០២១

ដោយ

យោងតាមរដ្ឋបាលខេត្តរតនគិរីចេញសេចក្តីប្រកាសព័ត៌មាន កាលពីថ្ងៃទី ២៦ ខែមិថុនា ឆ្នាំ ២០២១ ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានខិតខំបន្តស្រាវជ្រាវ និង រកឃើញករណីវិជ្ជមានកូវីដ ចំនួន ៥១ នាក់ និង ស្លាប់កើនដល់ ២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិជ្ជមានខាងលើធ្លាប់ប៉ះពាល់ផ្ទាល់ជាមួយអ្នកវិជ្ជមានដែលរកឃើញកន្លងមក ដោយតម្រូវឲ្យបុគ្គលទាំងនោះធ្វើតេស្តសំណាក និង មួយចំនួនទៀតមានអាការមិនស្រួលខ្លួន បានស្ម័គ្រចិត្តធ្វើតេស្តសំណាក (Rapid Test) ជាលទ្ធផលក្នុងចំណោមសំណាក ១,១៣៥ នាក់ រកឃើញវិជ្ជមានកូវីដ-១៩ ចំនួន ៥១ នាក់។

គិតត្រឹមថ្ងៃទី ២៦ ខែមិថុនា នៅក្នុងខេត្តរតនគិរីរកឃើញអ្នកវិជ្ជមានជំងឺកូវីដ-១៩ សរុប ៣៦៤ នាក់ ព្យាបាលជាសះស្បើយ ២២ នាក់ និង ស្លាប់ ២ នាក់។

រដ្ឋបាលខេត្តរតនគិរី សូមបន្តអំពាវនាវដល់សាធារណជនទាំងអស់ដែលធ្លាប់បានពាក់ព័ន្ធដោយផ្ទាល់ និងប្រយោលជាមួយអ្នកវិជ្ជមានរកឃើញកន្លងមក សូមស្ម័គ្រចិត្តធ្វើតេស្តសំណាក ឬ ដាក់ខ្លួននៅដោយឡែកពីអ្នកដទៃ ហើយត្រូវតាមដានសុខភាពជាប្រចាំ ក្នុងករណីមានការសង្ស័យ សូមរាយការណ៍ទៅកាន់អាជ្ញាធរមានសមត្ថកិច្ចក្នុងមូលដ្ឋាន ឬទំនាក់ទំនងលេខ ០៩៧ ៥៩៥ ៧៧៨៨/០៩២ ១២១ ៣៨៣/០៩៧ ៧៧៥ ១២១២៕

អត្ថបទ ៖ វុទ្ធឦសាន