បាងកក រកឃើញវីរុសបំប្លែងខ្លួន Beta លើកដំបូង

គេហទំព័រ Bangkok Post បានផ្សាយថា ករណីទីមួយនៃវីរុសបំប្លែងខ្លួន Beta ដែលត្រូវបានរកឃើញដំបូងនៅប្រទេសអាហ្វ្រិកខាងត្បូង ពេលនេះត្រូវបានរកឃើញក្នុងទីក្រុង បាងកក។

ការស៊ើបអង្កេតបឋមបានរកឃើញថា អ្នកជំងឺ គឺមានទំនាក់ទំនងជាមួយករណីឆ្លងនៅខេត្ត Narathiwat។

វីរុសបំប្លែងខ្លួន Beta ត្រូវបានគេរកឃើញ រីករាលដាលនៅភាគខាងត្បូងប្រទេសថៃ ដោយគេជឿថាចាំចូលមកពីប្រទេសម៉ាឡេស៊ី។

ចង្កោមផ្ទុះកូវីដថ្មីចំនួន១១ទីតាំង ត្រូវបានរកឃើញនៅក្នុងខេត្តចំនួន ៨ កាលពីថ្ងៃអាទិត្យ ខណៈអាជ្ញាធរ កំពុងឃ្លាំមើលយ៉ាងដិតដល់ទៅលើរោងចក្រ ទីផ្សារនិងទីតាំងសំណង់នៅក្នុងតំបន់ដែលមានហានិភ័យខ្ពស់។

កាលពីថ្ងៃអាទិត្យ ប្រទេសថៃ បានរាយការណ៍អំពីអ្នកស្លាប់ដោយសារជំងឺកូវីដ-១៩ ចំនួន ៤២ នាក់និងករណីឆ្លងថ្មី ៣,៩៩៥ ករណី។ ចំនួនអ្នកស្លាប់សរុបបានកើនឡើងដល់ ១,៩១២ នាក់និងករណីឆ្លងកើនដល់ ២៤៤,៤៤៧ ករណី៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ តារា ចម្រៀង ថៃ ម្នាក់ ធ្លាក់ ពី លើអគារ ស្លាប់ សង្ស័យ វិបត្តិកូវីដ