ខេត្តឧត្តរមានជ័យ សម្រេចបិទខ្ទប់ជាបណ្តោះអាសន្នទីតាំង និងផ្ទះចំនួន០៧កន្លែងនៅស្រុកចុងកាល់

ខេត្តឧត្តរមានជ័យ៖ រដ្ឋបាលខេត្តឧត្តរមានជ័យ បានបិទខ្ទប់ជាបណ្តោះអាសន្នទីតាំង និងផ្ទះចំនួន០៧កន្លែង ស្ថិតនៅស្រុកចុងកាល់ ខេត្តឧត្តរមានជ័យ ចាប់ពីថ្ងៃទី២៧ ខែមិថុនា ឆ្នាំ២០២១ រហូតដល់មានការសម្រេចជាថ្មី ដោយមូលហេតុទីតាំងមានការពាក់ព័ន្ធនឹងករណីអ្នកជំងឺកូវិដ-១៩ ឈ្មោះ ឈន ចិន ភេទស្រី អាយុ៣៣ឆ្នាំ រស់នៅភូមិព្រៃធំ ឃុំចុងកាល់ ស្រុកចុងកាល់ ខេត្តឧត្តរមានជ័យ មានដូចខាងក្រោម:

១-ផ្ទះរបស់ឈ្មោះ ម៉ៅ សុវណ្ណ ភេទប្រុសអាយុ៣៥ឆ្នាំ ស្ថិតនៅភូមិព្រៃធំ ឃុំចុងកាល់

២-ផ្ទះរបស់ឈ្មោះ ហូវ តែវ ភេទប្រុសអាយុ៣៩ឆ្នាំ ស្ថិតនៅភូមិគោកវត្ត ឃុំចុងកាល់

៣-ផ្ទះរបស់ឈ្មោះ ព័ន្ធ រឹត ភេទស្រី អាយុ៣៧ឆ្នាំ ស្ថិតនៅភូមិព្រៃធំ ឃុំចុងកាល់

៤-ផ្ទះរបស់ឈ្មោះ ប៉ាន់ ពុទ្ធី ភេទស្រី អាយុ២៦ឆ្នាំ ស្ថិតនៅភូមិគោកវត្ត ឃុំចុងកាល់

៥-ផ្ទះរបស់ឈ្មោះ ងួន វុធ ភេទប្រុសអាយុ៤៣ឆ្នាំ ស្ថិតនៅភូមិព្រៃធំ ឃុំចុងកាល់

៦-ផ្ទះរបស់ឈ្មោះ លីវ សុធន់ ភេទស្រីអាយុ៣៤ឆ្នាំ ស្ថិតនៅ ភូមិគោកធ្នង ឃុំក្រសាំង

៧-ផ្ទះរបស់ឈ្មោះ ទីតាំងបន្ទប់ថែទាំជំងឺ គិ.មធ្យម សុខវិសាល ស្ថិតនៅភូមិបន្ទាយចាស់ ឃុំចុងកាល់។

ក្នុងអំឡុងពេលនៃការបិទខ្ទប់ជាបណ្តោះអាសន្ននេះ រដ្ឋបាលស្រុកចុងកាល់ត្រូវ: ហ៊ុមព័ទ្ធទីតាំងចំនួន០៧កន្លែងខាងលើ ផ្អាកការចេញ-ចូលទីតាំងទាំងនេះ ស្រាវជ្រាវរកអ្នកពាក់ព័ន្ធផ្ទាល់ឬប្រយោល ដើម្បីធ្វើចត្តាឡីស័កនិងយកវត្ថុសំណាក ណែនាំឲ្យម្ចាស់ទីតាំងត្រូវគោរពអនុវត្តឲ្យបានមុឹងម៉ាត់តាមវិធានការរដ្ឋបាល វិធានការសុខាភិបាលរបស់រាជរដ្ឋាភិបាលនិងវិធានការនានារបស់រដ្ឋបាលខេត្ត ដែលមានជាធរមាន៕

ដោយ៖ ចាន់ ធី