សពកុមារ២នាក់ត្រូវបានរកឃើញក្រោមគំនរអគាររដ្ឋ Florida ធ្វើឲ្យអ្នកស្លាប់កើនឡើងដល់ ១៨នាក់

សាកសពកុមារពីរនាក់ ត្រូវបានគេរកឃើញនៅក្នុងគំនរបាក់បែកនៃអគាររដ្ឋ Florida ដែលបានបាក់ ដែលនេះធ្វើឲ្យចំនួនអ្នកស្លាប់កើនឡើងដល់១៨នាក់ហើយ។

គ្មាននរណាម្នាក់ត្រូវបានយកចេញទាំងនៅរស់ពីកន្លែង គ្រោះមហន្តរាយ ភ្លាមៗ បន្ទាប់ពីរចនាសម្ព័ន្ធនេះបានបាក់បែកកាលពីថ្ងៃព្រហស្បតិ៍ នោះទេ។

មនុស្សជិត១៥០នាក់កំពុងបាត់ខ្លួននៅឡើយ បន្ទាប់ពីការបាក់អគារកាលពីថ្ងៃព្រហស្បតិ៍សប្តាហ៍មុន។

ជនរងគ្រោះចុងក្រោយដែលត្រូវបានរកឃើញ នៅមិនទាន់ត្រូវបានគេបង្ហាញអត្តសញ្ញាណជាសាធារណៈនៅឡើយទេ។

ប្រាំពីរថ្ងៃ បន្ទាប់ពីការដួលរលំនៅទីក្រុង Surfside ភាគខាងជើង Miami, ក្រុមមន្រ្តីបាននិយាយថា ពួកគេនៅតែសង្ឃឹមថា អ្នករស់រានមានជីវិតខ្លះអាចត្រូវបានរកឃើញជាប់នៅក្នុងគំនរបាក់បែក៕

ប្រែសម្រួល៖ Vann Vann

ប្រភព៖ BBC

ចុចអាន៖ បាក់អគារនៅ Florida ស្លាប់កើនដល់១២នាក់ ខណៈ ១៤៩នាក់ រកមិនទាន់ឃើញ