កូវីដ-១៩

រដ្ឋបាលខេត្តកំពង់ឆ្នាំងចេញសេចក្តីជូនដំណឹងស្ដីពី អ្នកវិជ្ជមាន កូវីដ១៩ ចំនួន២នាក់ ទទួលមរណភាព

បានផុស

៤ years មុន

នៅ

ថ្ងៃសុក្រ ២ កក្កដា ២០២១

ដោយ

កំពង់ឆ្នាំង ៖ រដ្ឋបាលខេត្តកំពង់ឆ្នាំងនៅល្ងាចថ្ងៃទី០២ ខែកក្កដា ឆ្នាំ ២០២១ នេះ បានចេញសេចក្តីជូនដំណឹងស្ដីពីមរណភាព ជនជាតិខ្មែរ២នាក់ ម្នាក់ជាស្ត្រី មានវិជ្ជមានកូវីដ១៩ នៅថ្ងៃទី០២ ខែកក្កដាឆ្នាំ២០២១ នៅ ក្នុងមន្ទីរពេទ្យបង្អែកខេត្តកំពង់ឆ្នាំង។

ជនជាតិខ្មែរដែលបានទទួល មរណភាពដោយសារជំងឺកូវីដ១៩ ខាងលើនេះមាន ១ ឈ្មោះ ឌិត សុផាត អាយុ ៦១ ឆ្នាំរស់នៅភូមិផ្សារលើសង្កាត់ផ្សារឆ្នាំង ក្រុងកំពង់ឆ្នាំង ។ បានចូលមកសម្រាកព្យាបាលនៅក្នុងមន្ទីរពេទ្យបែកបង្អែកខេត្តកំពង់ឆ្នាំង វេលាម៉ោង ៨និង៣៥នាទីព្រឹកថ្ងៃទី០១ ខែកក្កដា រកឃើញវិជ្ជមានកូវីដ១៩។ និងបានទទួលមរណភាពនៅវេលាម៉ោង ១៨និង៣០ ល្ងាចថ្ងៃទី ២៩ ខែមិថុនា ឆ្នាំ២០២១ នៅក្នុងមន្ទីរពេទ្យបង្អែកខេត្តកំពង់ឆ្នាំង។

២ ឈ្មោះ អៀង អ៊ីវ អាយុ ៨០ ឆ្នាំរស់នៅភូមិកណ្ដាល សង្កាត់កំពង់ ឆ្នាំង ក្រុងកំពង់ឆ្នាំង ។ បានចូលមកសម្រាកព្យាបាល នៅក្នុងមន្ទីរពេទ្យបង្អែកខេត្តកំពង់ឆ្នាំងវេលាម៉ោង ១០និង៣០នាទី ព្រឹកថ្ងៃទី២១ ខែមិថុនា ឆ្នាំ២០២១ ដោយក្រុមគ្រូពេទ្យបានធ្វើតេស្តពិនិត្យឃើញមានវិជ្ជមានកូវីដ១៩ ហើយបានដាក់សម្រាកឲ្យព្យាបាលក្នុងអាគារជំងឺឆ្លងនៃមន្ទីរពេទ្យបង្អែកខេត្តកំពង់ឆ្នាំង។ ដោយស្ថានភាពជំងឺមួយថ្ងៃចេះតែធ្ងន់ៗទៅ អ្នកជំងឺក៏បានទទួលមរណភាពនៅវេលាម៉ោង ២២ និង ៣០ នាទីយប់ ថ្ងៃ ទី០១ ខែកក្កដា ឆ្នាំ២០២១។

រដ្ឋបាលខេត្តកំពង់ឆ្នាំងក៏បានអំពាវ នាវផងដែរដល់ប្រជាពលរដ្ឋនៅក្នុងខេត្តកំពង់ឆ្នាំងទាំងអស់សូមចូលរួមចូលរួមទប់ស្កាត់ជំងឺកូវីដ១៩ ដែលកំពុងរាលដាលឆ្លងចូលក្នុងសហគមន៍ដោយត្រូវអនុវត្តវិធានការ ៣ កុំនឹង ៣ ការពារឱ្យបានម៉ឺងម៉ាត់បំផុត៕

ដោយ ៖ ឈៀងថារិទ្ធ