ព័ត៌មានជាតិ

បាក់ដើមឈើ១ដើម កាត់ទទឹងផ្លូវ នៅមុខសាកលវិទ្យាល័យភូមិន្ទភ្នំពេញ ខណៈមេឃភ្លៀង លាយឡំខ្យល់កន្ត្រាក់ខ្លាំង

បានផុស

៤ years មុន

នៅ

ថ្ងៃចន្ទ ៥ កក្កដា ២០២១

ដោយ

ដើមឈើមួយដើមបានរលើងគល់ បាក់រៀបដល់ដី ខណៈមេឃបានបង្អោរភ្លៀង លាយឡំដោយខ្យល់កន្ត្រាក់ខ្លាំង។ ប៉ុន្តែក្នុងហេតុការណ៍នេះ មិនបណ្តាលឲ្យមានមនុស្សរងគ្រោះថ្នាក់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបាន កើតឡើងកាលពីវេលាថ្ងៃត្រង់ទី០៥ ខែកក្កដា ឆ្នាំ២០២១ វេលាម៉ោងប្រមាណជិត១២និង០០នាទី នៅមុខសាកលវិទ្យាល័យភូមិន្ទភ្នំពេញ ស្ថិតនៅក្នុងសង្កាត់ទឹកល្អក់ទី១ ខណ្ឌទួលគោក។ បើតាមមន្ត្រីរដ្ឋបាល សង្កាត់ទឹកល្អក់ទី១ ខណ្ឌទួលគោក បានរាយការណ៍ថា វេលាថ្ងៃត្រង់ទី០៥ កក្កដា វេលាម៉ោងប្រមាណជិត១២និង០០នាទីនេះ ភ្លៀងបានបង្អោរឡើងយ៉ាងខ្លាំង នៅក្នុងនោះក៏មានខ្យល់បក់បោកផងដែរ បណ្ដាលឱ្យមេឃឈើនិងដើមឈើមួយដើមរលំគល់ បាក់មកលើបណ្ដោយមហាវិថី សហព័ន្ធរុស្ស៊ី ប៉ុន្តែមិនបណ្តាលឲ្យមានមនុស្សរងគ្រោះថ្នាក់នោះទេ។

ក្រោយពេលកើតហេតុ អាជ្ញាធរសង្កាត់បានសហការជាមួយមន្ទីរសាធារណការ និងដឹកជញ្ជូនរាជធានីភ្នំពេញ ប្រើគ្រឿងចក្រ កាត់ដើមឈើដែលរលំមកលើកមហាវិថីសហព័ន្ធរុស្ស៊ីនេះចេញអស់ ដើម្បីឲ្យបងប្អូនប្រជាពលរដ្ឋបានធ្វើឆ្លងកាត់ជាធម្មតាឡើងវិញ៕
អត្ថបទ៖ ស្រីរ័ត្ន