​ខេត្ត​ស្ទឹងត្រែង ​រក​ឃើញ​អ្នក​ឆ្លង​កូ​វីដ ​ចំនួន១៣នាក់​បន្ថែម

មន្ទីរសុខាភិបាលនៃរដ្ឋបាលខេត្តស្ទឹងត្រែង ដោយមានការខិតខំប្រឹងប្រែងស្រាវជ្រាវ រកអ្នកពាក់ព័ន្ធផ្ទាល់ និងប្រយោលនៅថ្ងៃទី៦ ខែកក្កដា ឆ្នាំ២០២១ បាន​ចេញ​សេចក្តី​ប្រកាស​ព័ត៌មាន​បញ្ជាក់​អំពី​ការរក​ឃើញ​អ្នកឆ្លងជំងឺ​កូវីដ​១៩​ ចំនួន ១៣នាក់ បន្ថែមទៀត។   

ក្រុមការងារឆ្លើយតបបន្ទាន់បានបញ្ជាក់បន្ថែមថា គោលដៅត្រួតពិនិត្យជំងឺកូវីដ១៩ ចំនួន០៥ កន្លែង ក្នុងភូមិសាស្ត្រខេត្តស្ទឹងត្រែង ត្រូវបានយកសំណាកវិភាគ លទ្ធផលរកឃើញអ្នកវិជ្ជមានកូវីដ១៩ ចំនួន១៣ នាក់។       

គិតត្រឹមម៉ោង ៥និង០០នាទីរសៀល ថ្ងៃទី៦ ខែកក្កដា ឆ្នាំ២០២១នេះ ខេត្តស្ទឹងត្រែងមានអ្នកឆ្លងសរុប៣៦៤នាក់ ស្រី១៦៨នាក់ ជាសះស្បើយ២៣ នាក់ស្រី ៩ នាក់ និងកំពុងសម្រាកព្យាបាល៣៤១នាក់ស្រី១៥៩នាក់៕

អត្ថបទ ៖ ងិនលីម