ចរាចរណ៍

រថយន្តព្រូសបុករថយន្តឡិចសុីសពីក្រោយរុញបុកម៉ូតូកង់បីមួយគ្រឿងទៀតខណៈឈប់ភ្លើងស្តុប

បានផុស

៣ years មុន

នៅ

ថ្ងៃសុក្រ ៩ កក្កដា ២០២១

ដោយ

បុរសម្នាក់បើករថយន្តតូយូតា ព្រូស ក្នុងល្បឿនលឿនមិនប្រយ័ត្នជ្រុលទៅបុករថយន្ត ឡិចសុីស RX330 ពីក្រោយរុញទៅបុកម៉ូតូកង់បីឥណ្ឌាមួយគ្រឿងទៀត ខណៈកំពុងឈប់ចាំភ្លើងស្តុបបណ្ដាលឲ្យរងការខូចខាតយ៉ាងដំណំ។

ហេតុការណ៍នេះកើតឡើងកាលពីវេលាម៉ោង ១០និង១០នាទីយប់ថ្ងៃទី ០៨ខែកក្កដា ឆ្នាំ២០២១ នៅចំណុចស្តុបលូប្រាំ តាមបណ្តោយផ្លូវបេតុងចូលបូរុងរឿងកែងនឹងមហាវិថីចោមចៅ(វេងស្រេង )ក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើកម៉ូតូកង់បីឥណ្ឌាមួយគ្រឿងពណ៌សពាក់ស្លាកលេខកំពង់ធំ1M-1335 ធ្វើដំណើរតាមបណ្តោយផ្លូវបេតុងបូរីរុងរឿងទិសដៅពីត្បូងទៅជើង លុះមកដល់ចំណុចស្តុបលូប្រាំ កន្លែងកើតហេតុខាងលើបានឈប់រង់ចាំភ្លើងស្តុប ខណ:នោះក៏មានរថយន្តឡិចស៊ីស RX330 មួយគ្រឿងពណ៌សំបកឪឡឹកពាក់ស្លាកលេខភ្នំពេញ2BH-3802ធ្វើដំណើរស្របគ្នាមកឈប់ពីក្រោយ បន្ទាប់មកក៏មានបុរសម្នាក់បើករថយន្តតូយូតាព្រូសពណ៌ខៀវ ពាក់ស្លាកលេខភ្នំពេញ2NJ-8679 ធ្វើដំណើរ មកពីក្រោយខ្វះការប្រុងប្រយ័ត្នជ្រុលបុកគូទរថយន្តឡិចស៊ីសទំហឹង រុញទៅបុកម៉ូតូកង់បីឥណ្ឌាពីក្រោយបន្តទៀតបណ្ដាលឲ្យរងការខូចខាតយ៉ាងដំណំរៀងៗខ្លួន។

ក្រោយកើតហេតុសមត្ថកិច្ចមូលដ្ឋានបានចុះមកដល់ ដោយឲ្យភាគីទាំងសងខាងធ្វើការសម្របសម្រួលគ្នា ដោយខាងរថយន្ត ព្រូស បានចេញសំណងទៅរថយន្តឡិចសុីសចំនួន១៥០ ដុល្លារដើម្បីបញ្ចប់រឿងនៅនឹងកន្លែងកើតហេតុ រួចរថយន្តឡិចសុីសបានទទួសសំណងក៏បើកចេញទៅបាត់។ ដោយឡែកនៅតែម៉ូតូកង់បីនិងរថយន្តបង្ករងចាំក្រុមហ៊ុនធនារាប់រងរៀងខ្លួនដើម្បីចុះមកធ្វើការដោះស្រាយបន្តទៀតដើម្បីបញ្ចប់រឿង៕

អត្ថបទ ៖ សុខា