ព័ត៌មានជាតិ

ជាសញ្ញាល្អ ខេត្តរតនគិរី រកឃើញអ្នកឆ្លងកូវីដ ត្រឹមតែ៣នាក់ នៅថ្ងៃទី៨ កក្កដា នេះ

បានផុស

៤ years មុន

នៅ

ថ្ងៃសុក្រ ៩ កក្កដា ២០២១

ដោយ

រដ្ឋបាលខេត្តរតនគិរី ចេញសេចក្តីប្រកាសព័ត៌មានស្តីពីករណីរកឃើញអ្នកវិជ្ជមានជំងឺកូវីដ-១៩ ពាក់ព័ន្ធនឹងព្រឹត្តិការណ៍សហគមន៍២០កុម្ភៈ ត្រឹមតែ៣នាក់ប៉ុណ្ណោះ នៅថ្ងៃទី៨ ខែកក្កដា នេះ និងមានអ្នកជាសះស្បើយចំនួន៥៩នាក់ ដែលជាសញ្ញាល្អមួយសម្រាប់ខេត្តរតនគិរី។

អ្នកវិជ្ជមានខាងលើ ធ្លាប់បានប៉ះផ្ទាល់ជាមួយអ្នកវិជ្ជមាន ដែលបានរកឃើញកន្លងមក ដោយតម្រូវឲ្យបុគ្គលទាំងនោះធ្វើតេស្ដសំណាក និងមួយចំនួនទៀតមានអាការៈមិនស្រួលខ្លួនបានស្ម័គ្រចិត្តធ្វើតេស្ដសំណាក (Rapid Test) ជាលទ្ធផលក្នុងចំណោមសំណាក ៥៤៨នាក់ រកឃើញវិជ្ជមានកូវីដ-១៩ ចំនួន៣នាក់។

អ្នកជាសះស្បើយទាំង៥៩នាក់ ត្រូវបានអនុញ្ញាតឲ្យចេញពីមណ្ឌលព្យាបាល និងត្រូវបន្ដធ្វើចត្តាឡីស័កដោយខ្លួនឯងរយៈពេល១៤ថ្ងៃ បន្ថែមទៀត។

គិតត្រឹមថ្ងៃទី៨ ខែកក្កដា នៅក្នុងខេត្តរតនគិរី រកឃើញអ្នកវិជ្ជមានជំងឺកូវីដ-១៩ សរុបចំនួន៦០០នាក់ ព្យាបាលជាសះស្បើយ សរុបចំនួន ១៩០នាក់ និងស្លាប់៤នាក់៕

អត្ថបទ ៖ វុទ្ធឦសាន