កូវីដ-១៩

ខេត្តស្ទឹងត្រែង រកឃើញអ្នកឆ្លងកូវីដ១៩ចំនួន១០នាក់ ជាសះស្បើយ ៣៤នាក់

បានផុស

៤ years មុន

នៅ

ថ្ងៃសុក្រ ៩ កក្កដា ២០២១

ដោយ

ស្ទឹងត្រែង ៖ រដ្ឋបាលខេត្តស្ទឹងត្រែង ចេញសេចក្តីប្រកាសព័ត៌មានស្តីពីករណីរកឃើញអ្នកវិជ្ជមានជំងឺកូវីដ-១៩ ចំនួន១០នាក់ បន្ថែមទៀតពាក់ព័ន្ធនឹង ព្រឹត្តិការណ៍ ២០កុម្ភៈ គិតត្រឹមម៉ោង ៥:០០ នាទីរសៀលថ្ងៃទី៩ ខែកក្កដា នេះ និងមានអ្នកជាសះស្បើយចំនួន ៣៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិជ្ជមានកូវីដ១៩ ខាងលើ ធ្លាប់បានប៉ះផ្ទាល់ជាមួយអ្នកវិជ្ជមាន ដែលក្រុមគ្រូពេទ្យរកឃើញកន្លងមករហូតមកដល់ថ្ងៃទី ៩កក្កដានេះបានធ្វើតេស្តសំណាក រកឃើញវិជ្ជមានកូវីដ១៩ ចំនួន ១០ នាក់។

រដ្ឋបាលខេត្តស្ទឹងត្រែងសង្ឃឹមយ៉ាងមុតមាំ ចំពោះបងប្អូនប្រជាពលរដ្ឋទាំងអស់ត្រូវ ចូលរួមអនុវត្តវិធានការសុខាភិបាល ៣ការពារ-៣កុំ ឲ្យបានខ្ជាប់ខ្ជួនគ្រប់ៗគ្នាជាពិសេស គឺការពាក់ម៉ាស និងលាងសំអាតដៃនិងអាកុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។

គ្រូពេទ្យជំនាញបញ្ជាក់ថា អ្នកជាសះស្បើយទាំង៣៤នាក់ ត្រូវបានអនុញ្ញាតឲ្យចេញពីមណ្ឌលព្យាបាលចត្តាឡីស័កថ្នាក់ខេត្ត និងត្រូវបន្ដធ្វើចត្តាឡីស័កនៅផ្ទះដោយខ្លួនឯងរយៈពេល១៤ថ្ងៃ បន្ថែមទៀត។

គិតត្រឹមម៉ោង ៥និង០០នាទីរសៀលថ្ងៃទី០៩ ខែកក្កដា ឆ្នាំ ២០២១ នេះ នៅក្នុងខេត្តស្ទឹងត្រែង រកឃើញអ្នកវិជ្ជមានជំងឺកូវីដ-១៩ សរុបចំនួន៣៨៥ នាក់ ព្យាបាលជាសះស្បើយ សរុបចំនួន៥៧នាក់ ស្លាប់គ្មាន និងកំពុងសម្រាកព្យាបាល ៣២៨នាក់៕

ដោយ ៖ ងិនលីម